1 Nadoma

18 Yuunse’ere n pa’asɛ butã la pooren la, ti Yehowa yele Eliya yeti: Tari homea ta pa’alɛ Ahab ge n wan basɛ ti saa ni tiŋa wa zuo. 3 Bala za’a la ti Ahab yi Obadia, se’em n biseri yire la. (Obadia yuun zoti Yehowa mɛ paa, 4 ge ti se’em ma’a ti Yezebel yuun nyɔɣera Yehowa nɔdɛ’ɛseriba kuura la, Obadia yuun dekɛ la nɔdɛ’ɛseriba kɔbega, pu ba pinuu pinuu suɣɛ ba tasi yogero poan ge bɔ’ɔra ba boroboro la ko’om.) 13 Mam daana ka yele ho mam n eŋɛ sɛla, se’em ma’a ti Yezebel nyɔɣera Yehowa nɔdɛ’ɛseriba kuura la, mam n yuun dekɛ nɔdɛ’ɛseriba kɔbega, pu ba pinuu pinuu suɣɛ ba tasi yogero poan ge bɔ’ɔra ba boroboro la ko’om la? 21 Ti Eliya paɛ nɛreba la za’a zɛ’an ge yele ba yeti: “Ya wan tara puti’ira ayi ayi yue paɛ la wani? Yehowa san dɛna yelemɛŋɛrɛ Naayinɛ, dɔla ya en; ge la me san dɛna Baal, dɔla ya en!” Ge nɛreba la daa ka tɔɣɛ sɛsɛla lebese en. 25 Ti Elisa nyaa yele Baal nɔdɛ’ɛseba la yeti: “Loe ya lɔlega la ayima la ya maalɛ yia se’ere n sɔi la, yamam zo’e mɛ. Ge nyaa yi ya baɣerɛ la yu’urɛ, ya ka nari ti ya tuurɛ bugum.” 26 Bala poan ti ba to’e lɔlesɛka ti ba loe la, nyaa ko ka, maalɛ ka ge nyaa pɔsɛ yi’ira Baal baɣerɛ la yu’urɛ bulika tara tara ta paɛ wuntɛɛŋa, nyabera yeti: “O Baal lebese to na!” Ge ba ka wum kũa, nɛra me ka boi n lebeseg ba. Ti ba nyaa kɔ’ɔn wa’ara kaara kaabegɔ zɛ’an la ti ba mɛ la. 27 Lan ta paara wuntɛɛŋa la, ti Elisa nyaa pɔsɛ ɛ̃regeri ba yeti: “Nyabegɛ ya kpe’eŋo kpe’eŋo! A sirum dela yinɛ! Daanse’ere a ti’iseri mɛ bii a keŋɛ ti a ta dɔbelɛ la a nama. Bii a ta’an gisera mɛ ti la nara ti nɛra niɛ en!” 28 Ti ba nyabera vɔɔla ge ŋmata bamesi la su’usi la kana, wuu ba malema la n de se’em la, ti ziim ka’ara ba inya za’a. 29 Wuntɛɛŋa ta tole ti ba yirige la ba purega la ti la ta yɛ’a zaanɔɔrɛ boom bo’olum saŋa la ge lebesego ka boi, leregere ka boi, sɛla ka keleseri ba. 36 Lan ta paɛ zanɔɔrɛ kaabegɔ saŋa la, ti nɔdɛ’ɛsa Eliya nyaa toli ba nɛŋan zusɛ yeti: “O Yehowa, Abraham, Isaak la Israel Naayinɛ, basɛ ti ba baŋɛ zina ti hon de Naayinɛ n boi Israel poan ti mam dɛna ho yameŋa, ti la dela ho yelesum la zuo ti mam tum tuun ana wa za’a. 37 Lebese mam, O Yehowa! Lebese mam ti nɛreba wa baŋɛ ti hon Yehowa n de yelemɛŋɛrɛ Naayinɛ ge ŋmɛregera ba suure lɛbera ho zɛ’an na.” 38 Bilam ti Yehowa bugum ze’ele saazuo lu na, di kaabegɔ bo’olum la, la dɔɔrɔ la, la kuga la, la tontɔnɔ la ge me kiisɛ ko’om la n boi boko la poan la. 40 Bala ti Eliya nyaa yele ba yeti: “Nyɔkɛ ya Baal nɔdɛ’ɛseba wa! Da basɛ ya ti ayima makɛ piɛ!” Bilam bilam ti nɛreba la nyɔɣɛ ba, ti Eliya tari ba keŋɛ Kison kolaa la bɔba ta kɔrum ba bilam.