Yɛhega

4 Moses kerese kuɣelama bayi wuu yia denɛ la ge isige bulika asubaa zom Sinai Zoore la zuo wuu Yehowa n bo en nɔɔrɛ se’em la, a me daa zãli kuɣelama bayi la a nu’usin. 5 Ti Yehowa ze’ele sangbanɛ la zuo sige na ge teke ze’ele a zɛ’an ge mɔɔlɛ Yehowa yu’urɛ la. 6 Yehowa daa ye tɔla mɛ a nɛŋa ge mɔɔla yeti: “Yehowa, Yehowa, Naayinɛ n tari nimbɔzore la giile ti a sunsɔa ka isigera kalam kalam ge tara yelemɛŋɛrɛ nɔŋerɛ la yelemɛŋɛrɛ tuuma n zo’e, 7 tara yelemɛŋɛrɛ nɔŋerɛ bɔ’ɔra nɛreba tusa tusa, basera be’em la tubekirega la tuure bɔ’ɔra ge a kan basɛ ti mina n tari taalɛ la bɔna fai, a wan dekɛ sɔyaabedoma be’em ta ta ba kɔma la ba yaasi la ba dɔɣɛ-pa’asɛ butã la bunaasi.”