Daniel

7 Babilon Naba Belsazar na’am yuunɛ poan la, Daniel daa gã mɛ ge zaasum nyɛ liligere yɛla. A daa gulesɛ zaaseŋɔ wa biŋe mɛ; ge gulesɛ yelese’a n daa eŋɛ la za’a nima nima. 2 Daniel yeti: “Mam daa nyɛ la liligere yɛla yu’uŋɔ ge bisɛ! kusebego banaasi la n boi saazuo la daa miim ateko kãtɛ la mɛ. 3 Ti goo dunkãra banaasi n boi to’ore to’ore ze’ele ateko la poan dɔɔra na. 13 “Mam kelum bisera la nyuuŋɔ liligere la, bisɛ! mam nyɛ la saazuo sangbanɛ la poan nɛra n ani wuu asaala dayɔa n kene na; a nyɛ la yɔ’ɔ paɛ Se’em Dabesa n zo’e la zɛ’an ti ba tari en lɛm A zɛ’an. 14 Eŋa ti ba daa dekɛ bisega, na’asegɔ la na’am bo en ti nɛreba, tisi la yetɔɣum buuri woo laɣum tuna bɔ’ɔra en. A bisega la boi la wuusa kan makɛ tole ge ti a na’am la me kan makɛ sa’am. 15 “Ge san dɛna mam Daniel, mam suure daa sa’am mɛ se’ere n sɔi la, liligere yɛla wa daa basɛ ti mam pabegɛ mɛ. 16 Mam daa keŋɛ paɛ la sɛba n ze la ayima ti n soke baŋɛ de vuurɛ n de sɛla. Ti a yele mam ge basɛ ti n baŋɛ mam nyɛ yelese’a la vuurɛ. 17 “Goo dunkãra banaasi wa dela nadoma banaasi n wan isige tingɔŋɔ wa zuo na. 18 Ge Kpe’eŋo Za’adaana la nɛreba n de zilam la wan to’e na’am la ge me wan sɔna na’am la bisera daarewoo, sira daarewoo.’ 27 “Ge ti na’am la, la bisegadoma la saazuo na’am la woo kpe’eŋo la nyaa wan dɛna la Kpe’eŋo Za’adaana la nɛreba n de zilam la denɛ ge ti bisegadoma woo wan tuna bɔ’ɔra en ge nana en.’