Hagai

1 Naba Darius na’am bisega yuuma ayi poan ŋmaresi siyoobi pɔsega daarɛ ti Yehowa yelesum wa’an a nɔdɛ’ɛsa Hagai zɛ’an na ti a tɔɣɛ bo Sealtiel dayɔa Zerubabel se’em n de Yuda tiŋa besira la Yehozadak dayɔa Yosua n de malemadoma keema la ti: 2 “Pɛɛntɛɛnreba Yehowa la n yele se’em n wana, ‘Nɛreba wa yeti, “Yehowa yire mea saŋa nan ka paɛ.”’” 3 Ti Yehowa yelesum le wa’an a nɔdɛ’ɛsa Hagai zɛ’an na yeti: 4 “Saŋa paɛ ya ti yamam mɛsi dekɛ dɔɔrɔ maalɛ yisoma kɛ’ɛra a poan ge ti yire wa tuɣum dɛna daboo? 5 Bala la pɛɛntɛɛnreba Yehowa n yele sɛla wana, ‘Ti’isɛ ya yamam n iti se’em la soŋa bisɛ. 6 Ya ni burɛ la zo’e zo’e ge ni ta kɛ dia la fiin wa. Dita ge ka malum tɛɣera. Nyuura ge ka malum sekera. Dekɛ lɔɣɔrɔ baɣɛ ya mɛsi ge ti la ka malum ana ya wam. Tuuntuneba la ni nyɛ ligiri ge dekɛ i eŋɛ la ligiri daka sɛka n yule poan.’”