1 Tesalonika

2 Se’ere n sɔi la, yamam mea mi soŋa soŋa ti Yehowa dabesere la ye me na woo nayiga n ni wa’an se’em yu’uŋɔ poan la. 3 Se’em ma’a ti ba ta tɔɣera yeti, “Suma’asum la fai bɔŋa!” tɔ, bilam bilam ti sa’aŋɔ wan sige ba zuo, woo pɔɣepuadaana n ni dɔɣera ti la wuna en se’em la, ba me kan ta’an piɛ̃. 11 Bala la, kɔ’ɔn kpemeseri ya taaba giila ge me soŋeri ya taaba wuu ya puɣum ita se’em la. 14 Leyɛ’ɛsa, mabiisi, to ka’ani ya mɛ ti ya kaɣera sɛba n iti yɛla ti la ka nara la ge me tɔɣera buɣa buɣa bɔ’ɔra sɛba suure n sa’am la, soŋeri ya sɛba n taregɛ la ge di’isa suure la nɛra woo. 17 Zusa saŋa woo. 18 Bo’ori ya fara sɛla woo poan. Dena wa ti Naayinɛ bɔta ti ya ita Krista Yezu poan. 23 Suma’asum Naayinɛ la wan basɛ ti ya ana fa’a. Ge bisera ya vo’osum la ya sia la ya iŋa soŋa soŋa sɛla woo poan, la wan eŋɛ se’em ti ya kan tara taalɛ to Daana Yezu Krista saŋa la poan .