Luke

18 Ti bisegadoma la ayima soke en yeti: “Pa’ala, hon de nɛresonkɔ. Bem ti la nara ti n eŋɛ ta’an nyɛ vom sebo n ka tari ba’asegɔ?” 35 Yezu n yuun ta pɔ̃ra Yeriko la, buraa n de fua n yuun zĩ lɛm sore la zuo zusera. 36 Eŋa n daa wum nɛrekuuŋɔ la n keni tɔla la, a daa pɔsɛ ɛɛra la a baŋɛ sɛla n iti. 37 Ti ba daa yele en yeti: “Yezu Nazaret nɛra la n ye tɔla!” 38 Eŋa n wum bala la ti a kaasɛ yeti: “Yezu, David Dayɔa, zɔ n nimbɔ̃’ɔ!” 39 Ti sɛba n boi nɛŋa la pɔsɛ tãsera en yɛta en yeti a mum a nɔɔrɛ la ge a yuun kelum kaasa mɛ yeti: “David Dayɔa, zɔ n nimbɔ̃’ɔ!” 40 Ti Yezu ze’ele ge yeti ba tari en wa’ana. Eŋa n lɛm en la, Yezu soke en yeti: 41 “Hon boti n eŋɛ la bem bo ho?” Ti a yeti: “N Daana, basɛ ti n le nyɛta.” 42 Bala ti Yezu yele en yeti: “Le malum nyɛta; ho sakerɛ la n faaɛ ho basɛ.” 43 Bilam bilam ti a le nyɛta ge pɔsɛ dɔla en ge me pɛɣera Naayinɛ. Leyɛ’ɛsa, nɛreba la n nyɛ bala la, bamam me pɛ̃ɣɛ Naayinɛ mɛ.