Isaiah

14 Bala, kelese ya Yehowa yelesoma, yamam sɛba n ŋmɛ’ɛre ya nyu’ɔ wa, Yamam nadoma sɛba n biseri Yerusalem nɛreba wa, 15 Se’ere n sɔi la ya yeti: “Tomam biŋe la nɔɔrɛ la Kum Ge eŋɛ nɔɔrɛ la Yɔɔ. Ko’om san uke kena na, La kan paɛ to, Se’ere n sɔi la to dekɛ pumpɔreŋɔ ti la dɛna la to suka zɛ’an Ge dekɛ tomea suɣɛ pumpɔreŋɔ poan.” 16 Bala la, Sɔ’ɔlum Za’adaana Yehowa la yeti: “Mam dekɛ la kugesonɛ ɛ̃bi ɛ̃berɛ Zion poan, Tuulum ɛ̃berɛ kugure ti ba dekɛ ɛ̃bi ɛ̃berɛ kankaŋɛ. Se’em n tari sakerɛ kan zɔ dabeem. 17 N wan basɛ ti yelemɛŋɛrɛ dɛna n maɣesegɔ mi’a Ge ti tontɔɔ dɛna mɛa lɔkɔ la ti ba tara makera la. Sakuga la wan piisɛ pumpɔreŋɔ yɛla la za’a keŋɛ Ge ti ko’om tãɛ zɛse’esi n suɣɛ la. 18 Yamam la Kum nɔbiŋerɛ la kan le bɔna Ge ti yamam la Yɔɔ n eŋɛ nɔɔrɛ sɛka la kan ze’ele. Ko’om san uke tɔla na, la wan di ya. 19 Sansɛka woo ti la tɔla la, la wan piisɛ ho keŋɛ; Se’ere n sɔi la, la wan tɔla daarewoo wuntɛɛŋa la yu’uŋɔ za’a. Dabeem n wan basɛ ti ba bɔkɛ ban wum sɛla la.” 21 Se’ere n sɔi la Yehowa wan isige wuu eŋa n daa eŋɛ se’em Perazim Zoore zuo la; A wan zɛ̃kɛ amea wuu eŋa n daa eŋɛ se’em bɔ̃’ɔ sɛka n lɛm Gibeon la, La wan eŋɛ se’em ti a ta’an tum a nyalema tuuma la ge ta’an tum a tuunkiresi la.