Matu

13 Ti Yezu ze’ele Galilee keŋɛ Yordan la, la wan eŋɛ se’em ti Yon muse n ko’om. 14 Yon daa boti a gu en mɛ ge yele en yeti: “Hon nari ti ho muse mam ko’om ge ti hon kena mam zɛ’an?” 15 Yezu lebese en yeti: “Basɛ ti la dɛna sankana wa ge wana n wan nara bɔ’ɔra tɔ ti to tuna sɛla woo n de tontɔɔ.” Bala la, a daa ka le gu en. 16 Yezu n daa muse ko’om ba’asɛ la, a daa doo ko’om la poan me na; ge bisɛ! saazuo la daa yu’ɛ mɛ ti a nyɛ Naayinɛ vo’osum la n sigeri a zuo na wuu dawene la. 17 Bisɛ! Kɔ̃a me n tɔɣɛ saazuo basɛ na yeti: “Eŋa n de mam Dayɔa, se’em ti n nɔŋɛ ge ti n puurɛ pee la en la.”