2 Nadoma

22 Yosia daa dela yuuma anii ge dɛna naba, a daa di na’am la yuuma pita la ayima Yerualem tiŋa poan. A ma yu’urɛ daa dela Yedida n de Adaiah n ze’ele Bozkat tiŋa poyɔa. 2 A daa eŋɛ la sɛla n ani soŋa ge me tɔɣesɛ a sɔyaaba David, a me daa ka buregɛ lebe zuɔ bii gɔbega. 3 Naba Yosia na’am bisega yuun pia la anii poan la, naba la daa tum la Mesulam dayɔa Azalia me dayɔa Safan n de gɔngulesa la ti a keŋɛ Yehowa yire la poan, a yeti: 4 “Keŋɛ malema nɛŋadaana Hilkia zɛ’an ta basɛ ti a to’e ligese’a ti yaŋa gu’ureba la ni to’e nɛreba la zɛ’an wa’an Yehowa yiren la na. 5 Basɛ ti ba dekɛ ligeri la bo sɛba ti ba loe ba ti ba bisera Yehowa yire la poan la ti bamam me dekɛ bo tuuntuneba la n maali Yehowa yire la za’a la, 11 Naba la n ta wum yelese’a n boi Lɔɔ gɔŋɔ la poan la, a ãasum la a futo. 12 Naba la nyaa yele malemadaana Hilkia, Safan dayɔa Ahikam, Mikaiah dayɔa Akbor, gɔngulesa Safan la Asaiah n de naba tuuntuna la yeti: 13 “Keŋɛ ya ta soke Yehowa bo mam la nɛreba wa la Yuda nɛreba za’a la ya bɔkɛ gɔŋɔ wa ti ya nyɛ wa n tɔɣɛ sɛla; Yehowa sunsɔa ba’ɛ nyie la to mɛ se’ere n sɔi la, to sɔyaabedoma ka tum doose sɛla ti ba gulesɛ biŋe bo to la.” 18 Ge ta yele ya Yuda naba la n tum ya ti ya wa’ana soke Yehowa bo en la yeti, “Yehowa Israel Naayinɛ la n yele se’em n wana: “Doose la yelese’a ti ho wum la, 19 ho suure n sa’am ti ho sirege homea Yehowa nɛŋan, la eŋa n tɔɣɛ yelese’a giisɛ tiŋa wa la ka nɛreba la ti, ba wan dɛna nɛresɛba n tari dabeem ge ti ba pɔ bo ba, ti ho ãasum ho futo basɛ ge kaasɛ mam nɛŋan la zuo, mam me wum ya, Yehowa n yele se’em n bala. 20 Bala zuo ti ba wan dekɛ ho ta pa’asɛ ho sɔyaabedoma poan ti ho gã’arɛ ho yɔɔ poan la suma’asum ge ti ho nini kan nyɛ namesegɔ seto ti n wan dekɛ wa’an nɛreba wa zuo na la.’”’” Ti ba tari lebesego la wa’ana bo naba la.