Yooma
13 Hon naam mam sɛyiba; Hon n pĩ mam n ma puuren. 14 Mam pɛɣɛ ho mɛ se’ere n sɔi la, ho naam mam mɛ ti la tara dabeem ge me dɛna nyalema. Ho tuuma dela yelenyalema, Mam mi wana mɛ soŋa soŋa. 15 Mam kɔ̃ba ka suɣɛ ho zɛ’an Se’em ma’a ti ho naam mam suɣelum poan, Se’em ma’a ti ho wuɣɛ mam tingɔŋɔ wa tiŋa tiŋa sa la. 16 Hali ho nini nyɛ mam n daa de bia bɔna puuren la mɛ; De bɔba za’a daa gulesɛ bɔna la ho gɔŋɔ la poan Pa’ala dabesa se’a ti ba daa naam bɔna la Ge ti ba se’em sa’am nyaa bɔna la. 17 Bala zuo, bisɛ ho puti’ira n tari tuulum bo mam se’em! O Naayinɛ, bisɛ ba zo’e se’em! 23 O Naayinɛ, ɛ mam poan la ho baŋɛ n suuren. Viisɛ mam ge baŋɛ n putɛyiila. 24 Bisɛ nyaa daaŋɔ puti’irɛ boi n poan Ge nyaa tari mam doose daarewoo sore la poan.