Tooma

4 Ba daa doli tisi la poan la, ba daa pa’alɛ ba tuuntuneba la keendoma la n boi Yerusalem la n bo nɔɔrɛ se’em ti ba dɔla. 5 Ti tansuga la kɔ’ɔn zɛ’a kankaŋi sakerɛ la poan ge kɔ’ɔn pa’asa dabeserɛ woo. 23 Ba ŋmɛ ba ba’asɛ la, ba nyaa tari ba ta paɣa la sarega ge yele sarega la bisegadaana la ti a paɣɛ ba soŋa soŋa. 24 Ba bo en nɔɔrɛ se’em la zuo, a tari ba ta kɛ̃ la sarega la deseko n boi poan poan sa la ge bã ba nama dɔɔrɔ poan. 25 Ge yu’uŋɔ sunsua ti Paul la Silas daa zusa ge yuuna yuuma pɛɣera Naayinɛ ge ti sɛba n daa laɣum bɔna sarega la poan la kɛlesa ba. 26 Bilam bilam ti tinmiiŋo kãtɛ miim ti sarega la ɛ̃berɛ miim. Leyɛ’ɛsa, kulesi la daa yu’ɛ la buyina ti nɛra woo bãsi kɔ. 27 Se’em ma’a ti sarega bisegadaana la daa niɛ ge nyɛ ti sarega la kulesi la yu’ɛ mɛ la, a daa ti’isɛ ti sɛba n boi sarega la poan la piɛ mɛ ge nyaa foe a sua ti a ku amea. 28 Ge Paul daa tãsi yeti: “Da pɔɣelum homea ge to za’a boi kalam mɛ!” 29 Ti a daa ee bugum zɛ’an nyaa eŋɛ kalam kɛ̃, ti dabeem nyɔkɛ en ti a kũ’ure Paul la Silas nɛŋa.