Solomon Gɔŋɔ

1 Solomon yuunɛ se’ere n ganɛ za’a: 2 “Basɛ ti a wa’ana mɔɣɛ mam nɔɔrɛ wa Se’ere n sɔi la, Ho nɔŋerɛ tari nimpiilum mɛ ganɛ daam. 3 Ho kaam tara la nyuuŋo soŋɔ paa. Ho yu’urɛ ani me wuu kaam somɔ nyuuŋo n ŋmɛ’ɛri. Bala n sɔi ti pɔɣesa’ara nɔŋɛ ho la. 4 Basɛ ti n dɔla hɔ; To zɔta ya. Naba la tari mam kɛ la a bɔen! Basɛ ti to nyɛɛna la pupeelum. To wan pɛɣɛ hon nɔŋerɛ wa gana daam. Ba tari buurɔ la ba nɔŋɛ hɔ la. 5 Yerusalem pɔyɔɔsi wa, Mam dela sabelega ge som, Mam ani me wuu Kedar soɣera la, ana wuu Solomon tɛnti la. 6 Da gɛɛla bisa mam, la mam sobege la zuo, Wuntɛɛŋa n basɛ ti mam sobege. Mam ma dayɔɔsi sunsɔa nyie mɛ la mam; Ba basɛ ti mam bisera la tiisi wɔla vatɔ, Ge mam mea va’am la n ka bisera. 7 Mina ti mam suure kɛ̃ wa, pa’alɛ mam hon gu’uri ho piisi la zɛ’an la zɛ’an ti ho laɣesa si wuntɛɛŋa. Wani ti mam ani wuu pɔka ti ba dekɛ susa’aŋɔ fuo pile la, Ɛɛra nyaara ho piisi la poan?” 8 “O hon se’em n som gana pɔɣesi za’a wa, Yee dɔla piisi la nama, Gu’ura ho bobibisi la dunkeema tɛntdoma la zɛ’an.”