1 Nadoma

11 Ge Naba Solomon nɔŋɛ la satisi pɔɣesi pa’asɛ naba Faro pɔyɔa la poan: Pɔɣesi la ze’ele la Moab la Ammon la Edom la Sidon la Hiti tisi poan. 2 Tinsina wa ti Yehowa daa yele Israeldoma la yeti: “Da diti ya ba pɔyɔɔsi bii ya dekɛ ya pɔyɔɔsi elese ba, san daɣena bala, ba wan ŋmɛregɛ ya puti’irɛ lebe ba baɣa la poan.” Ge Solomon suure daa kɛ̃ ba mɛ ti a nɔŋɛ ba. 3 A daa tari la pɔɣeba kɔbesi siyopɔi n de nadoma pɔyɔɔsi la zɛbedoma kɔbesi sitã, ti a pɔɣeba wa nyaa ta basɛ ti a tue. 4 Solomon n daa ta kuregɛ la ti a pɔɣeba la ŋmɛregɛ a puti’irɛ lebe ba baɣa la poan, a daa ka dekɛ a suure za’a bo Yehowa a Naayinɛ la wuu a sɔ David la. 5 Solomon daa nyaa doli la Astoret, Sidondoma pɔɣum baɣerɛ la, la Milkom n de Ammondoma baɣefɛ’ɛseri la. 6 Ti Solomon daa nyaa tum be’em Yehowa nɛŋan ge me daa ka pu’usa Yehowa la a suure za’a wuu a sɔ David la. 9 Yehowa sunsɔa daa nyie Solomon mɛ la a suure n daa ka le bɔna Israel Naayinɛ Yehowa poan la, se’em n daa niɛ amea sugumnɔɔrɛ buyi pa’alɛ en la 10 ge kaɣɛ en yele dena wa la, ti a da pu’usa yina ase’a. Ge a zaɣɛ Yehowa n daa bo en nɔɔrɛ se’em la mɛ.