1 Nadoma

22 Solomon nyaa ze’ele Yehowa kaabegɔ bimbine la nɛŋai la Israel nɛreba la za’a nɛŋan ge zɛ̃kɛ a nu’usi saazuo 23 ge nyaa yeti: “Oh Yehowa Israel Naayinɛ wa, Naayinɛ ka boi ana wuu hom saazuo sa bii tiŋa wa zuo, ho doli ho nɔbiŋere la mɛ ge tara suure poan nɔŋerɛ bɔ’ɔra ho yamesi sɛba n doli ho sore la, la ba suure za’a. 24 Ho tɛ̃ri ho yelesum la ti ho daa tɔɣɛ bo ho yameŋa mam sɔ David la mɛ. Ho tɛ̃ri ho nɔbiŋere la mɛ ge tum dɛ la homea paŋa wuu la nari se’em la. 27 Ge Naayinɛ wan sirum kɛ̃’ɛra tinparɛ wa zuo? Bisɛ! Saazuo zuin zuin sa puɣum ka seke la dɛna ho kɛ̃’a zɛ’an, nyaa benti yise’ere ti mam mɛ wa! 30 Ge kelese ho yameŋa wa n zuseri ɛɛra zu’usegɔ la ho nɛreba Israeldoma n ze kalam ge zusera ho wa ge me ze’ele hon kɛ̃’ɛri zɛ’an saazuo la kelese, ɛɛ, kelese ge di sugeri.