Liligere
17 Malesi bayopɔi la poan ayima sɛba n tari laasi bayopɔi la daa wa’an me na yele mam yeti: “Wa’ana, n wan pa’alɛ hɔ gãkerɛ seko n wan paɛ pɔɣeyalema kãtɛ la seem n zĩ ko’om zo’e zo’e zuo la, 2 se’em ti tingɔŋɔ wa nadoma naɛ la en tuum yalumtuuma la en la, ti tingɔŋɔ wa nɛreba me nyu a yalumtuuma daam la buge la.” 3 Ti a dekɛ a vo’osum la tari mam keŋɛ pɔɣetia la poan sa. Ti mam nyɛ pɔka n zi goo duŋa n pɔresɛ ge tari yu’ura n toore Naayinɛ ge me tara zuto bayopɔi la iila pia. 4 Pɔka la daa yɛ la fumɔlega n subege la fumɔlega n mɔ’ɛ ge daa baɣɛ amea la salema la tuulum kuga la kugesaalesi, a me daa zãli la salema kɔpi a nu’usin ti yelegaasa la a yalumtuuma dɛɣerɔ kɔ’ɔn pirɛ bini. 5 Yu’urɛ n daa gulesɛ bɔna a gbe’ere zuo ti de bɔkerɛ kpe’em n de: “Babilon Kãtɛ La, pɔɣeyalumdoma la tingɔŋɔ wa yelegaasa lɔɣɔrɔ ma.” 6 Ti mam nyɛ ti, pɔka la nyu la zilamdoma la ziim la Yezu sɛɛradoma la ziim buge. Mam nyɛ en bala la, la daa eŋɛ mam la pakerɛ zo’e zo’e. 8 Goo duŋa la ti ho nyɛ la daa boi mɛ nyaa ka le bɔna, maasum ti a ze’ele boko kãtɛ la poan yese na ge ti a wan keŋɛ saaŋɔ poan. Ge tiŋa wa zuo nɛreba la, pa’alɛ ti, sɛba yu’ura n ka boi vom gɔnkile la poan, kɔ’ɔn ze’ele tiŋa wa pɔsega la, san nyɛ duŋa la n daa boi ge ka le bɔna ge wan le wa’ana la, la wan eŋɛ ba la pakerɛ. 9 “Wana dela nɛra dekɛ yɛm tum tuuma: Zuto tuyopɔi la ze’ele bo la zɔya tuyopɔi ti pɔka la zi’a tu zuo la. 10 Nadoma bayopɔi n boi: Banuu puɣum lui mɛ, ayima nan boi ge ti ayima la nan ka wa’ana; ge a san wa’ana, la dela a bɔna wana fii wa. 11 Ge goo duŋa la n daa wa bɔna ge ka le bɔna la mɛŋa n de naba se’em n pa’asɛ bunii la. A ze’ele la nadoma buyopɔi la poan na. A me ye la sa’aŋɔ poan. 12 Ge iila pia la ti ho nyɛ la, dela nadoma pia n nan ka pɔsɛ sɔna bisera. Ge ba wan bo bamam la goo duŋa la paŋa ti ba sɔna bisera wuu nadoma la, awa ayina. 14 Bana wa yeti ba zabɛ mɛ la Pebila la ge eŋa n de daandoma Daana la nadoma Naba la zuo, A wan zabɛ nyaŋɛ ba. Leyɛ’ɛsa sɛba n pa’asɛ a poan ti ba yi ba ge loe ba ti ba tara yelemɛŋɛrɛ la me wan zabɛ nyaŋɛ.” 15 A daa yele mam yeti: “Ko’om la ti ho nyɛ la, zɛ’an ti pɔɣeyalema la zi’a la, ze’ele bo la nɛreba la nɛrekuuŋɔ la tisi la yetɔɣum buuri buuri. 16 Iila pia la ti ho nyɛ la, la goo duŋa la wan yaɛ pɔɣeyalema la ge mɛlesi en ge basɛ en beele, ba wan obe a nɛnɔ ge nyɔ̃ en la bugum. 17 Se’ere n sɔi la, Naayinɛ n dekɛ eŋɛ ba suuren ti ba basɛ ti a puti’irɛ tum, ɛɛ, ti ba eŋɛ nɔyinɛ dekɛ ba na’am la bo goo duŋa la ta paɛ se’em ma’a ti Naayinɛ yelesum wan tum tuuma. 18 Pɔka la ti ho nyɛ la ze’ele bo la tinkãtɛ la n tari na’am sɔna tingɔŋɔ wa nadoma bisera.”