Arom

13 Basɛ ya ti nɛra woo siregera amea bɔ’ɔra sɛba n tari kpe’eŋo la, se’ere n sɔi la kpe’eŋo ka boi san daɣena Naayinɛ ma’a; kpe’eŋo seto n boi la dela Naayinɛ n basɛ ti ba bɔna. 5 Bala la, la dela pɛregerɛ yele bɔ’ɔra ya ti ya siregera yamea bɔ’ɔra, daɣɛ la sunsɔa nyiisum la zuo ge yamea putɛkeeŋa la zuo. 6 Bala n sɔi ti ya yɔɔra lampo; se’ere n sɔi la ba dela Naayinɛ tuuntuneba n kɔ’ɔn tuna yele dena wa zuo. 7 Dekɛ ya sɛla woo n de ba denɛ la bo ba: se’em n eeri lampo la, bo ya lampo la; se’em n eeri guŋerɛ lɔkɔ, bo ya guŋerɛ lɔkɔ la; se’em n eeri ti ya zɔta en la, zɔta ya en; se’em n eeri na’asegɔ la, bo ya en na’asegɔ. 8 Da tari ya nɛnɛra sanɛ san daɣena ya nɔŋɛ taaba ma’a; se’ere n sɔi la se’emdaana n nɔŋɛ a tadaana tum Lɔɔ la n yele sɛla la mɛ. 9 Lɔɔ la yeti, “Ho ka nari ti ho tum pɔɣedisa’aŋɔ, ho ka nari ti ho ku nɛra, ho ka nari ti ho zu, ho ka nari ti ho tara nintɛ̃riga,” nɔse’ere n yeen bɔna vuurɛ dela: “Ho nari ti ho nɔŋɛ ho tadaana wuu homea.” 10 Nɛra san tara nɔŋerɛ a ka tuni be’em giisa a tadaana; bala la, nɔŋerɛ n basɛ ti Lɔɔ la tum tuuma. 13 Basɛ ya ti to keni ya soŋa soŋa wuu to boi la wuntɛɛŋa poan la ge to da bɔna de’enyooro la daambuka poan, bii tuna yalumtuuma la zuku’urɛ tuuma, bii tara diŋo la nintɛ̃rega.