1 Samuel
36 Ho yameŋa ku la gbeɣenɛ la saseŋa, ti Filistia buraa wa n ka ŋma la wan ta ana wuu bama ayima la sɛla n sɔi la a kese Naayinɛ vɔa la lengima la mɛ.” 37 Ti David le yeti: “Yehowa n faaɛ mam gbeɣenɛ la saseŋa nu’usin basɛ la, a wan faaɛ mam Filistia buraa wa nu’usin basɛ. Bala ti Saul yele David yeti: “Keŋɛ ge Yehowa wan bɔna la hɔ.” 45 Ti David yele Filistia buraa la yeti, “Hon tari la su’a la kanɛ la zaanɛ tu’usa mam na ge mam dekɛ la lengimadaana Yehowa Israel Naayinɛ la n zaberi pɔ’ɔra a nɛreba la, ti ho kɛsɛra en la ti n zabɛ la hɔ. 46 Zina wa, Yehowa wan dekɛ ho eŋɛ mam nu’usin ge ti n wan ŋmɛ hɔ lubɛ tiŋa ge fike ho zuo. Ge wan dekɛ Filistia buraasi wa iisi bo niisi n ɛ̃ɣeri saazuo la goo dusi ti ba di ge ti tinparɛ wa nɛreba za’a wan baŋɛ ti Israel Naayinɛ la boi. 47 Ti sɛba woo me n laɣesɛ zɛ’a kalam wa wan baŋɛ ti Yehowa ka tari la su’a bii kanɛ fãara nɛreba basa. Zaberɛ la dela Yehowa zaberɛ ge ti a me wan dekɛ ya eŋɛ to nu’usin. 48 Bala ti Filistia buraa la isige kena tu’usa David ge ti David me zɔ kalam paɛ Filistia buraa la zaberɛ la zɛ’an. 49 David dekɛ la a nu’o tum a tapɔɔ la poan foe kugere eŋɛ a kalɔbega la poan nyaa lobe ti kugere la ŋmɛ Filistia buraa wa gbe’ere ti kugere la firɛ a gbe’ere ti a lu aliko. 50 Bala la, David dekɛ la kalɔbega la kugere nyaŋɛ Filistia buraa la; lobe en biŋe tiŋa nyaa ku en, la boi bim ti David daa ka zãli su’a a nu’usin.