Malaki

13 “Ya le ita la sɛla n basɛ ti nintam la kɛlega la si’iŋo pĩ’ira Yehowa kaabegɔ bimbine la, bala n sɔi ti a ka bisera ya bo’olum kaabegɔ la ge me ka tara pupeelum la sɛla n ze’ele ya nu’usin la. 14 Ti ya yeti, ‘Beni n sɔi?’ Se’ere n sɔi la Yehowa nyɛ hon la ho pɔɣesɛka ti ho di ho bunbilipaalemen poan yele la mɛ, se’em n de ho luɣerɛ kpɛ’a, la ho pɔɣa ti ho maalɛ a yɛla ge ti ho tum en ŋmɛlema tuuma la. 15 Ge nɛra ayima boi mɛ ka eŋɛ bala se’ere n sɔi la, Naayinɛ vo’osum la daa boi a poan mɛ. Nɛrekana wa daa eeri la bem? Naayinɛ yaaŋa la. Bala la, gu yamea vo’osum poan ge da basɛ ya pɔɣeseto ti ya di ya bunbilimen la. 16 Se’ere n sɔi la mam yaɛ pɔɣedibasega mɛ,” Yehowa n de Israel Naayinɛ la n yele se’em n bala, “n me yaɛ se’emdaana lɔɣeyɛɛtɔ n kɔ’ɔn pirɛ la gbiregere tuuma,” pɛɛntɛɛreba Yehowa n yele se’em n bala. “Bisɛ yamea soŋa la ya halɛ la, ya me da tuna ŋmɛlema tuuma.