Malema
17 Yehowa le yele Moses yeti: 10 “‘Nɛresɛka woo n boi Israel yizuo la poan bii saana sɛka woo n kɛ̃’ɛri ba poan san di ziim woo, Mam sunsɔa wan nyie la nɛresɛka woo n diti ziim la ge me wan ŋmaɛ en a nɛreba poan basɛ. 11 Se’ere n sɔi la, bunvɔa woo vom boi la a ziim la poan, mam mea n dekɛ bo ya kaabegɔ bimbine la zuo ti ya tara duusa ya be’em. Se’ere n sɔi la, vom la n boi ziim poan la zuo n sɔi ti ba tara duusera be’em. 12 Bala n sɔi ti mam yele Israeldoma la yeti: “Ya se’em da makɛ di ziim ge ti saana sɛka n kɛ̃’ɛri la ya mɛ da makɛ di ziim.” 13 “‘Israel nɛra bii saana n kɛ̃’ɛri la ya san dɛna gowɛa ge nyɔ̃kɛ goo duŋa bii bun-ɛ̃ɣela ti ya ka kisa, la nari ti a ka’a ziim la basɛ tiŋa ge dekɛ tontɔnɔ pĩ. 14 Bunvɔa woo vom boi la a ziim poan se’ere n sɔi la, vom la boi la ziim la poan. Bala zuo la mam daa yele Israeldoma la yeti: “Ya ka nari ti ya di bunvɔa woo ziim se’ere n sɔi la bunvɔa woo vom dela ka ziim. Se’em woo n di dɛ ba wan ku en.