Liligere

3 Gulesɛ ta bo Sardi tansugere soŋera la yeti: “Se’em n tari Naayinɛ vo’osum bayopɔi la ŋmarebibisi bayopɔi la n yele se’em n wana: ‘Mam mi ho tuuma mɛ, ti ho tari yu’urɛ ti ho dela mina n vɔi ge ho ki mɛ. 2 Kɔ’ɔn pigera ge kpemese lɔɣese’a n gee la de ki la giila, se’ere n sɔi la mam ka nyɛ ti ho tum ho tuuma ba’asɛ mam Naayinɛ nɛŋan. 3 Bala, kelum tɛ̃ra hon nyɛ, la hon wum sɛla la ge dɔla dɛ ge eŋɛ teere. Ho san ka isige, mam wan wa’an wuu nayiga la, ti sansɛka ti mam wan wa’an ho zuo na la, ho kan baŋɛ. 5 Se’em n zabɛ nyaŋɛ la wan yɛ lɔɣepɛɛla ge ti n kan saalum a yu’urɛ vom gɔŋɔ la poan ge n wan purɛ a yu’urɛ mam Sɔ la a malesi la nɛŋan 10 Hon kelese mam pa’alɛ hɔ ti ho ŋmibera se’em la zuo, Mam me wan yese ho gurebisɛ sɛka n wan paɛ tingɔŋɔ wa zuo za’a la basɛ, gurebisɛ sɛka n wan paɛ nɛresɛba n boi tingɔŋɔ wa zuo la. 15 ‘Mam mi ho tuuma mɛ ti ho ka ma’ɛ, ho me ka tuulegɛ. Mam boti ni ti ho ma’ɛ bii ho tuulegɛ mɛ. 16 Bala la, hon de nɛrebuɣesegɔ ge ka ma’ɛ bii tuulegɛ la zuo, N wan tĩ ho, n nɔɔren basɛ. 17 Ge ho yeti: “Mam dela buntata, tara lɔɣɔrɔ zo’e zo’e ge ka le ɛɛra sɛsɛla” Ge ho ka mi ti ho ani la bura, tara nimbɔ̃’ɔ, dɛna nasa, dɛna fua ge me ze’a beele, 18 Mam nɔɔ ka’am hɔ ti, ho da salema ti ba dekɛ bugum maalɛ ku soŋa mam zɛ’an la ho ta’an dɛna buntata, ho me da fupɛɛlesi yɛ pĩ ho nyanɛ, la wan eŋɛ se’em ti nɛreba kan nyɛ ho beele Ge le da nini tiim sɔ̃ ho nini ta’an nyɛta soŋa. 19 “‘Sɛba woo ti mam nɔŋɛ la, mam ka’ani ba mɛ ge dɔlegera ba tuba. Bala la, tuulegera ge basɛ ho be’em.