Liligere

2 A nyɔkɛ seerego la mɛ, se’em n de bunsɛlekɛka la, ti ba yi’ira Saɣena la Sitaana la ge bobe en yuun tusere. 4 Ti mam nyɛ na’am kugesi la sɛba n zĩ si zuo la, ba daa bo ba la kpe’eŋo ti ba gãkera. Ɛɛ, mam nyɛ la sɛba ti ba ku ba, ban mɔɔlɛ Yezu yelemɛŋɛrɛ yɛla la Naayinɛ yele, la sɛba n ka na’asɛ goo duŋa la bii a wɔ̃nɛ la ge ka to’e a dãalesum ba gbɛ’ɛra zuto la ba nu’o poan la zuo. Ti ba vo’e ba kum poan ti bamam la Krista di na’am yuun tusere. 5 (Ti ki’indoma sɛba n gee la ka vo’e ta paɛ yuun tusere la ba’asegɔ poan.) Dena n de kum isigere n deŋɛ nɛŋa la. 6 Pupeelum la zilam dela se’em woo n pa’asɛ kum isigere n deŋɛ nɛŋa la poan; bamam ti kum n pa’asɛ buyi la ka tara paŋa ba zuo ge ba wan dɛna Naayinɛ la Krista malemadoma ti bamam la eŋa wan di na’am yuun tusere. 7 Yuun tusa la san ta ba’asɛ, ba wan yu’ɛ Sitaana basɛ, 8 ti a nyaa wan yese ta pã’asɛ tisi n boi tingɔŋɔ wa zuo za’a, Gog la Magog, a wan laɣesɛ ba gura zaberɛ. Nɛreba wa kãlɛ ani woo ateko tontɔnɔ la. 9 Ti ba keŋɛ kaɛ tingɔŋɔ la za’a ge keŋɛ kaɛ zilamdoma la, la tinsoŋa la mum. Ge bugum n ze’ele saazuo na di ba. 10 Ti ba nyɔkɛ kolekpabɛ’a la n pã’asɛ ba la lobe basɛ bugum la kiila mɔɣerɛ la poan, zɛsɛka ti goo duŋa la pumpɔreŋɔ nɔdɛ’ɛsa la puɣum bɔna la; ti ba wan mɛlesa ba wuntɛɛŋa la nyu’uŋɔ daarewoo. 11 Ti mam nyɛ na’am kuka pɛɛlega n kãregɛ la Se’em n zĩ ka zuo. Tiŋa la saazuo daa zɔ mɛ a nɛŋan ge ti zɛ’an ka boi ti ba wan bɔna. 12 Ti mam nyɛ ki’indoma, nɛrekãra la nɛrebibisi ti ba zɛ’a na’am kuka la nɛŋan ti gɔnkila yu’ɛ. Ge ba daa yu’ɛ la gɔnkile kuyima; ku dela vom gɔnkile la. Ba daa dekɛ la sɛla n boi gɔnkila la poan la gãkɛ ki’indoma la n tum tuunse’a la. 13 Ti ateko la dekɛ ka ki’indoma la tisɛ na, ti kum la Yɔɔ dekɛ ba ki’indoma tisɛ na ti ba gãkɛ ba doose la nɛra woo n tum sɛla. 15 Le pa’asɛ, se’em yu’urɛ n daa ka boi vom gɔŋɔ la poan, ba daa dekɛ en lobe basɛ la bugum mɔɣerɛ la poan.