1 Nadoma

2 Sansɛka ti David daa ta pɔ̃ra kum la, a daa bo a dayɔa Solomon la pa’alegɔ kuna: 2 “Mam yeti n ki mɛ. Bala la, tara paŋa ge eŋɛ pa’alɛ ti ho dela buraa. 3 La nari ti ho tuna ho zugbere tuunɛ Yehowa ho Naayinɛ la nɛŋan doose la hon wan kena a sarɔtɔ la poan ge dɔla a nɔya la, a nɔze’elego la, a gãkerɛ yɛla la a ka’aŋɔ la wuu ban gulesɛ ti la bɔna Moses Lɔɔ la poan, la wan eŋɛ se’em ti ho nyɛta nyaŋerɛ sɛla woo ti ho ita la zɛ’an woo ti ho ŋmɛregera. 4 Bala wan basɛ ti Yehowa tum eŋa n pu’ulumbiŋe mam se’em la ti: ‘Ho kɔma san bisa ba sarɔtɔ soŋa soŋa ge san dekɛ ba suure za’a la ba sia za’a pu’usa mam yelemɛŋɛrɛ poan, saŋa woo ho yaaŋa n wan zi’ire Israel na’am kuka la zuo.’ 5 “Ho mi soŋa soŋa Zeruiah dayɔa Yoab n eŋɛ mam se’em, la eŋa n eŋɛ Israel zaba nɛŋadoma bayi, n de Ner dayɔa Abner la Yeter dayɔa Amasa se’em. A yuun ku ba mɛ ge kaɛ ziim basɛ suma’asum saŋa poan wuu la dela zaberɛ saŋa ge dekɛ zaberɛ ziim la lerum a sɛganɛ la a taɣera ti a pire la. 6 Dekɛ ho yɛm tum tuuma ge da basɛ ti a dekɛ a zompeelego la sige Yɔɔ poan la suma’asum. 7 “Ge san dɛna Gilead buraa Barzilai kɔma la, tara yelemɛŋɛrɛ nɔŋerɛ bɔ’ɔra ba ge basɛ ti ba laɣum dita ho teebule zuo se’ere n sɔi la, se’em ma’a ti mam yuun zɔ yese ho suɔ Absalom nɛŋan la, ba yuun boi me la mam. 8 Benyamin buraa Gera dayɔa Simei n yese “Bahurim laɣum bɔna me la hɔ. A daa dela mina n pɔ bo mam sansɛka ti mam daa yɛ’ɛsa Mahanaim tiŋa la ge eŋa n daa tu’usɛ mam Yordan la, mam daa pɔ bo en mɛ Yehowa yu’urɛ poan ti: ‘Mam kan ku ho la su’a.’ 9 Da basɛ en ti a bɔna fai, se’ere n sɔi la ho dela buraa n tari yɛm ge me mina hon wan eŋɛ en se’em; basɛ ti a tara a zompeelego la sige Yɔɔ poan la ziim.” 10 Ti David ki, ti ba laɛ en la a sɔyaabedoma David Tiŋa poan. 15 A daa le yeti: “Ho mɛŋa mi ti sɔ’ɔlum wa deni la mam denɛ. Israel za’a ti’iseri ni ti mam wan deni ba naba ge ti la ŋmɛregɛ keŋɛ mam yebega wa zɛ’an, sɛla n sɔi la, Yehowa n basɛ ti la eŋɛ bala. 16 Nananawa, yele deyina ma’a ti mam zusera hɔ. Da zaɣesɛ mam. Ti pɔka la yele en yeti: “Tɔɣera.” 17 Ge a yeti: “N beleni ho mɛ yele Naba Solomon ge mam mi ti a kan zaɣesɛ hɔ, ti a dekɛ Abisag n de Sunem tiŋa pɔka la bo mam ti a dɛna n pɔɣa.” 22 Ti Naba Solomon lebese a ma la yeti: “Beni zuo ti ho ɛɛra Abisag n de Sunem tiŋa pɔka wa ti ho bo Adoniga? Yi kɔ’ɔn zusɛ to’e na’am la pa’asɛ bo en sɛla n sɔi la eŋa n de mam keema ge ti malemadaana Abiatar la Zeruiah bia Yoab me pa a poore. 23 Bala zuo ti Naba Solomon nyaa dekɛ Yehowa yu’urɛ pɔ yeti: “Naayinɛ tulugɛ mam ge basɛ ti la bi’e mam Adoniga san ka dekɛ a vom yɔ eŋa n sohɛ sɛla wa zuo. 37 Daanse’ere daarɛ ti ho yese tiŋa wa poan yakɛ Kidron Bɔ̃’ɔ wa la, ho mina ti ho kum daarɛ n bala. Ho taalɛ me wan dɔla la homea.” 41 Ba daa yele Solomon yeti: Simei yese Yerusalem poan mɛ keŋɛ Gat tiŋa ge lebe na.” 42 Bala ti naba la yi Simei na soke en yeti: “Mam ka ze’ele la Yehowa nɛŋan pɔ ge kaɣɛ hɔ yeti: “Daanse’ere daarɛ ho wan basɛ kalam ge keŋɛ zɛ’an la, ho wan ki’? Daɣɛ homea n yele mam yeti, ‘Hon yeti mam sɛla la ani soŋa, n wan kelese’? 43 Beni n sɔi ti ho ka doose nɔpɔtɛ la ti ho pɔ bo Yehowa la, la nɔse’ere ti mam bo ho la?” 44 Ti naba la nyaa yele Simei yeti: “Ho mi ho suuren be’em sebo woo ti ho tum mam sɔ David, Yehowa wan basɛ ti be’em la tulege sige ho zuo. 45 Ge Naba Solomon wan nyɛ kã’a ge ti Yehowa wan basɛ ti David na’am kuka la sɛ ze’ele bɔna bala wuusa.” 46 Bala ti naba la nyaa bo Yehoiada dayɔa Benaiah nɔɔrɛ, ti a yese ta kɛ Simei, ti a lu ki. Bala ti na’am la nyaa sɛ ze’ele Naba Solomon nu’usin.