2 Samuel

15 Wana za’a pooren, Absalom daa ɛ la yiiri toroko la yiiri la buraasi 50 n wan bɔna a nɛŋa. 2 Absalom ni isige la kalam ta zɛ’a sose’ere ti ba dɔla kɛ̃’ɛra tiŋa la poan la kinkɛleŋa. Buraa san tari a yele yɛ’a naba yire ti ba ta maalɛ bo en, Absalom ni yi en mɛ yeti: “Hon ze’ele la tinkani na?” ti a me wan yeti: “Ho yameŋa wa ze’ele la Israel buuri la ayima poan.” 3 Absalom wan yele en yeti: “Bisɛ, ho yele wa kɔ’ɔn nara mɛ ge nɛnɛra ka boi nayire la poan n wan bisɛ ho yele wa bo ho.” 4 Absalom ni yeti: “Ba san tuɣum loe ni mam ti n dɛna gãkerɛdaana tiŋa wa poan! Bala, ti nɛra san tara a yele wa’an mam zɛ’an na ti mam wan gãkɛ en tontɔɔ.” 5 Nɛra ni san paara a zɛ’an ti a ku’urɛ a nɛŋan, Absalom ni gĩ nɛra la mɛ ge kɔkɛ en. 6 Absalom ni eŋɛ Israel nɛra woo n keni naba la zɛ’an ti a maalɛ a yele la bala; Absalom daa kɔ’ɔn ita la bala pã’asa Israel nɛreba la. 10 Absalom daa tum la vɛɛsereba Israel buuri la za’a poan yeti: “Ya san wum ti ba peebe tintanɛ la, mɔɔli ya yeti, ‘Absalom nyaa dela Hebron tiŋa naba!’” 11 Nɛreba 200 n ze’ele Yerusalem n keŋɛ ta naɛ la Absalom bim; ba daa beem ba mɛ ti ba wa’an na ge ba daa ka mi sɛla n iti. 12 Leyɛ’ɛsa, Absalom n daa eŋɛ kaabegɔ la, a daa tum mɛ ti ba yi David ka’aŋɔdaana Ahitofel n de Gilon tiŋa buraa ge bɔna Giloh tiŋa poan la ti a wa’ana. Ba daa isige gbita se’em la malum nyɛta la nyɛɣerɛ ge ti nɛresɛba me n pa Absalom poore la, malum pa’asa.