Mark

30 Tuuntuneba la laɣesɛ la Yezu zɛ’an na ge yele en sɛla woo ti ba pa’alɛ nɛreba la ge eŋɛ la. 31 Ti a yele ba yeti: “Wa’an ya na, ti to keŋɛ ya zɛ’an n ani siim ta vo’ose ya fii.” Se’ere n sɔi la nɛreba zo’e zo’e n daa keni ge lɛbera, ti ba daa puɣum ka tara vo’osego saŋa ti ba ta’an di dia. 32 Ti ba daa zom ɔɔreŋɔ la zuo yɛ’a zɛ’an n ani siim ti ba ta vo’ose. 33 Ge nɛreba daa nyɛ bamam n ye la mɛ ti nɛreba zo’e zo’e daa baŋɛ, ti ba nyaa kɔ’ɔn ze’ele tisi la woo poan zɔ la nama deŋɛ ba nɛŋa paɛ bim. 34 Tɔ, se’em ma’a ti ba sige na la, a daa nyɛ nɛrekuuŋɔ la ti nimbɔ̃’ɔ nyɔkɛ en, se’ere n sɔi la ba ani wuu piisi n ka tari dunkeena la. Ti a pɔsɛ pa’ala ba yɛla zo’e zo’e. 35 Nananawa, saŋa la daa tole mɛ ti a podɔleba la wa’an a zɛ’an na yeti: “Zɛ’an wa zaaɛ mɛ, ti saŋa la me tole. 36 Keese ba, la wan eŋɛ se’em ti ba paɛ tiŋa poan bii tinbibisi la poan ta’an da sɛla di.” 37 Ti a lebese ba yeti: “Bo ya ba sɛla ti ba di.” Ti ba lebese en yeti: “To keŋɛ la to ta da boroboro n paɛ denari kɔbesiyi bo nɛreba wa ti ba di?” 38 Ti a yele ba yeti: “Ya tari la boroboro balɛ? Ta bisɛ ya!” Ba bisɛ ba’asɛ la, ba yele en yeti: “Boroboro banuu, la zim bayi.” 39 Ti a yele nɛreba la ti ba pu bamesi la ba zi’ire muurɔ la zuo. 40 Ti ba pu bamesi gile gile ti nɛregile woo tara nɛreba kɔbega bii pinuu. 41 A nyaa dekɛ la boroboro banuu la zim bayi la, bisɛ saazuo ge zusɛ. Ti a nyaa wige boroboro la dekɛ bo a podɔleba la ti ba me dekɛ bo nɛreba la, a me le pu zim bayi la bo la ba za’a. 42 Ti ba za’a di tiɣɛ 43 ge dekɛ sɛla n gee la ti la pirɛ pitɔ pia la bayi ge ti zim la ka pa’asɛ. 44 Sɛba n obe boroboro la daa dela buraasi tusa anuu. 56 Ge se’em ma’a ti a ni keŋɛ tinbibisi bii tinkãra bii tinkpɛsi la poan la, ba ni tari la bã’adoma la wa’an da’a poan na ge nyaa ni belum en ti ba kalum a fuo la kinkɛleŋa. Ti sɛba woo n ni kalum en la bã’asi ni basɛ mɛ.