Matu

6 Ge se’em ma’a ti Herod daa dita a dɔɣum daarɛ de’eŋo la, ti Herodias bipugela daa wa de’eŋo la poan basɛ ti Herod puurɛ ba’ɛ pee 7 ti a pɔ ge biŋe nɔɔrɛ ti a wan bo pugela la n yeen bɔta sɛla. 8 Ti pugela la doose a ma nɔɔrɛ yeti: “Mam boti la Yon Ko’om Musegadaana la zuo lapɛreŋa poan.” 9 Naba la suure daa sa’am mɛ ge eŋa n pɔ la zuo la sɛba n daa naɛ la en dita la zuo, a daa bo la nɔɔrɛ ti ba eŋɛ bala. 10 A daa tum ti ba keŋɛ ta wike Yon zuo paka deo la poan. 11 Ba daa dekɛ a zuo la eŋɛ la lapɛriga poan ta bo bugela la ti eŋa me dekɛ bo a ma. 12 Pooren, a pudɔleba la daa keŋɛ mɛ ta yese a kum la ta pĩ; ge keŋɛ ta yele Yezu. 13 Eŋa n wum bala la, a daa dekɛ la ɔɔreŋɔ ti a yakɛ keŋɛ zɛ’an ta bɔna a ma’a. Ge nɛrekuuŋɔ la n ta wum la ba daa ze’ele la tinkãra la poan keŋɛ nama doose en. 14 Eŋa n daa ze’ele ɔɔreŋɔ la poan sige na la, a nyɛ la nɛrekuuŋɔ ti nimbɔ̃’ɔ nyɔkɛ en ti a tĩbɛ sɛba n bɛ̃’ɛri la. 15 Ge se’em ma’a ti zaanɔɔrɛ lui la, a podɔleba la daa wa’an a zɛ’an me na yele en yeti: “Zɛ’an wa zaaɛ mɛ ti saŋa la me tole; keese nɛrekuuŋɔ wa ti ba keŋɛ la wan eŋɛ se’em ti ba ta’an keŋɛ tinbibisi la poan ta da dia.” 16 Ge Yezu yele ba yeti: “La ka nari ti ba keŋɛ, bo ya ba sɛla ti ba di.” 17 Ti ba lebese en yeti: “Tomam ka tari sɛsɛla kalam san daɣena boroboro banuu la zim bayi.” 18 Ti a yeti: “Tara ya ba wa’an n zɛ’an na.” 19 Ti a yele nɛrekuuŋɔ la ti ba zi’ire muurɔ la zuo. A nyaa dekɛ la boroboro banuu la zim bayi la goregɛ saazuo ge zusɛ ge nyaa wige boroboro la nyaa dekɛ bo a podɔleba la ti a podɔleba la me dekɛ bo nɛrekuuŋɔ la. 20 Ti ba za’a di tiɣɛ ti ba dekɛ sɛla n gee la ti la pirɛ pitɔ pia la bayi. 21 Nananawa, sɛba n diti la daa paɛ wuu buraasi tusa anuu nyaa dekɛ pɔɣesi la kɔma pa’asɛ. 23 Se’em ma’a ti a daa keese nɛrekuuŋɔ la ba’asɛ la, a daa zom la zoore la zuo a ma’a ti a ta zusɛ. Zaanɔɔrɛ n ta lu la, eŋa ma’a n daa boi bim. 29 Ti a yeti: “Wa’ana!” Bala ti Peter sige ɔɔreŋɔ la zuo ge kena ko’om la zuo tu’usa Yezu.