1 Nadoma

12 Arehoboam daa keŋɛ la Sekem se’ere n sɔi la, Israeldoma za’a daa keŋɛ la bilam ti ba ta bobe en na’am. 21 Arehoboam n daa ta paɛ Yerusalem la, a eŋɛ la kalam laɣesɛ Yuda yizuo la Benyamin buuri la za’a zabezabereba n kumesɛ, tusa kɔbega la tusa pisinii, ti ba zabɛ la Israel yizuo la le to’e na’am la bo Solomon dayɔa Arehoboam. 22 Ti yelemɛŋɛrɛ Naayinɛ la tɔɣɛ bo a nɔdɛ’ɛsa Semaiah yeti: 23 “Yele Solomon dayɔa Arehoboam n de Yuda tiŋa naba, la Yuda la Benyamin yizuto la za’a, la nɛreba la za’a yeti, 24 ‘Yehowa n yele se’em n wana: “Da keŋɛ ya ta zabɛ la ya suurɔ Israeldoma wa. Nɛra woo kule a yire ge mam n basɛ ti la eŋɛ bala.”’” Bala la, ba daa nam Yehowa nɔɔrɛ mɛ ge lebe kule ba yɛa poan, wuu Yehowa n yele ba se’em la