Yob

2 Pooren daarɛ deyima ti yelemɛŋɛrɛ Naayinɛ dayɔɔsi la daa laɣesɛ ti ba ze’ele Naayinɛ nɛŋan, ti Sitaana me wa’ana laɣum pa’asɛ ba poan ti a ze’ele Yehowa nɛŋan. 2 Ti Yehowa yele Sitaana yeti: “Ho ze’ele la bɛsa na?” Sitaana lebese Yehowa yeti: “Mam eeri la tingɔŋɔ wa zuo ge kena ka poan.” 3 Ti Yehowa yele Sitaana yeti: “Hon ti’isɛ mam yameŋa Yob yele me bii? Nɛra ka boi ana wuu eŋa tingɔŋɔ la zuo. A dela tontɔɔdaana n de birikina, zɔta Naayinɛ ge yaɛ be’em. A kelum tara a birikinte la mɛ ge ti ho daa bɔta ti n sa’am ni en yoo.” 4 Ge Sitaana lebese Yehowa yeti: “Asaala inganɛ wa zuo. Asaala wan basɛ sɛla woo ti a tara a vom zuo. 5 Ge ho san bɔta ti ho nyɛ teere, tiɛ ho nu’o kalum a kɔberɛ la a inganɛ ge a wan yaalɛ hɔ ho nɛŋan.” 6 Yehowa yele Sitaana yeti: “Bisɛ! A boi la ho nu’usin! Ge da ku en!” 7 Ti Sitaana fɔregɛ Yehowa nɛŋan ge dekɛ nɔtinkɛ’ɛsi n duni kɛ̃’ɛsɛ Yob inya ze’ele a natalɛ paɛ a zuo laa. 8 Ti Yob dekɛ sawɛɛŋa ti a ɛ̃besɛ amea ge zĩ’a tampɛɣelum zuo. 9 Pooren ti a pɔɣa yele en yeti: “Hon kelum kɔ’ɔn tara ho birikinte la mɛ kankaŋi? Yaalɛ Naayinɛ ge ki!” 10 Ge a yele en yeti: “Ho tɔɣeri wuu pɔɣegberego la. La nari ti to toe sɛla n ani soŋa ma’a yelemɛŋɛrɛ Naayinɛ la zɛ’an ge zaɣesɛ sɛla n de be’em?” Yele ana woo poan la, Yob ka dekɛ a nɔɔrɛ wa tɔɣɛ be’em. 13 Ti ba daa laɣum zi’iri tiŋa la en dabesa ayopɔi, wuntɛɛŋa la yu’uŋɔ la za’a. Nɛnɛra daa ka tɔɣɛ bo en se’ere n sɔi la, ba daa nyɛ ti a too la malum pa’asɛ mɛ.