1 Nadoma

7 Nananawa, Yehowa mam Naayinɛ hon dekɛ la mam ho yameŋa bɔbe en naba ti a tee soe mam sɔ David na’arɛ, la boi bim ti mam dela bia ge ka bɔkera yɛla soŋa. 8 Ho yameŋa laɣum pa’asɛ la nɛresɛba ti ho loe la, ba ba’ɛ dɛna la nɛrebɔbegɔ ti nɛra kan ta’an kaalɛ ba. 9 Bala zuo soŋɛ ho yameŋa ge bo en suure se’ere n nani ti a baŋera sɛla n de som la be’em ta’an gakera ho nɛreba la, ani n wan ta’an gãkɛ ho nɛreba wa n ba’ɛ zo’e gaŋɛ se’em wa la?” 10 Yehowa puurɛ daa pɛɛ mɛ la Solomon n soke sɛla la. 11 Naayinɛ nyaa yele en yeti: “Hon eeri yele dena wa la zuo ge ka ɛɛra nyɔvore woko bii tarum bii ka ɛɛra ti ho dindoma ki ge ɛɛra la bɔkerɛ ti ho ta’an gãkera yɛla la zuo, 12 n wan eŋɛ hon eeri sɛla la. N wan bo ho yɛm la bɔkerɛ, ti nɛra ka tabelɛ bɔna ana wuu hon, nɛra me puɣum kan malum bɔna wan ana wuu hon. 13 Leyɛ’ɛsa, sɛla ti ho ka soke la mam wan dekɛ bo ho, tarega la na’asegɔ, bala ti ho vom dabesa woo poan naba kan bɔna ana wuu hon la.