Yooma

12 Tiisi se’a n lɛm ko’om la ti niisi la tɛ ba tugerɔ bilam; Yila la zuo ti ba yaɣa yuuna. 13 A baseri zɔya la, la ko’om n ze’ele saazuo. Ho nu’o tuuma n basɛ ti tingɔŋɔ wa tiɣera. 14 A basɛ ti mɔɔrɔ yɛsera mɛ bɔ’ɔra nii Ti zɛ̃vuurɔ bɔna bɔ’ɔra asaala, Basɛ ti dia zɔ’ɔra tiŋa la poan 15 Ti daam me basɛ ti a asaala suure nyɛɛna, Kaam n basɛ ti a nɛŋa nyakera, Ti dia n basɛ ti asaala vɔna. 24 O Yehowa, bisɛ ho tuuma n zo’e se’em! Ho dekɛ la yɛm maalɛ ba za’a. Ho nu’o tuuma ma’a n pirɛ tiŋa wa zuo. 33 Mam wan yuum pɛɣɛ Yehowa n vom dabesa za’a; Mam wan yuum pɛɣɛ n Naayinɛ n vom poan. 34 Basɛ ti mam ti’iseri sɛla pɛɛra a puurɛ. Mam wan tara pupeelum Yehowa poan.