1 Samuel
18 David n daa ta tɔɣɛ bo Saul ba’asɛ la, Yonatan la David daa ani la tapilapi la taaba ba zɔtɔ nyɔka la poan ge ti Yonatan nyaa nɔŋɛ en wuu amea la. 5 David daa ni nyaŋɛ zabɛ zɛse’esi woo ti Saul tum en la mɛ. Bala la Saul basɛ ti a dɛna la a zabezabereba la nɛŋadaana. Wana wa daa basɛ ti nɛreba la za’a la Saul tuuntuneba la puurɛ pee mɛ. 6 David la nɛreba la ni san ku Filistidoma la ge lɛbera na, Israel tisi la woo pɔɣesi ni yese me na yuuna ge wa’ara tu’usa Naba Saul la ba sinyaɣesi la duurisi la pupeelum. 7 Pɔɣesi la puurɛ daa pee mɛ ti ba wa’ara ge yuuna yeti: “Saul ku la tusa, Ti David ku tusa pia.” 14 David ni nyaŋɛ eŋɛ sɛla woo mɛ. Sɛla n sɔi la Yehowa boi la en mɛ. 18 Ti David yele Saul yeti: “Mam dela ani ge mam yidoma la mam sɔ yidoma n boi Israel dela bani, ti mam wan dɛna naba la dɛɛma. 22 Leyɛ’ɛsa, Saul yele a yamesi la yeti: “Ta tɔɣɛ ya bo David ma’a yeti, ‘Bisɛ! Naba la, la a tuuntuneba la za’a nɔŋɛ ho yele mɛ. Bala la, di naba bipugela la.”’ 23 Saul yamesi la n yele David wana wa la, David yeti: “Mam daɣɛ sɛsɛla ge me dɛna nasa wa wan ta’an di naba bipugela?”