Naayinɛ Puti’irɛ Dela Bem?

Naayinɛ boti la to tara suma’asum la pupeelum paradiisi teŋa la poan daarewoo!

Daanse’ere ho ta’an ti’isa ti, ‘La wan eŋɛ la wani ta’an tum?’ Baabule la yeti Naayinɛ Na’am la wan basɛ ti la tum. Naayinɛ me boti la nɛra woo zamesɛ baŋɛ a Na’am la a puti’irɛ n de se’em bɔ’ɔra tɔ.​—Yooma 37:11, 29; Isaiah 9:7.

Naayinɛ boti la to nyɛ nyuurɔ.

Wuu sɔ n boti sɛla n ani soŋa bɔ’ɔra a kɔma la, to saazuo Sɔ la me boti la to tara pupeelum daarewoo. (Isaiah 48:17, 18) A pu’ulumbiŋe ti “se’em n ete sɛla te [Naayinɛ] bɔta kɔ’ɔn bɔna mɛ wuuha.”​—1 Yon 2:17.

Naayinɛ boti la to dɔla a sɔya.

Baabule la yeti to Naaŋɔ Daana la boti la a “pa’alɛ tɔ a sɔya” ti to ta’an “dɔla.” (Isaiah 2:2, 3) Naayinɛ yuun loe nɛreba ti “ba de’a a nɛreba” ti a basɛ ti ba baŋɛ a puti’irɛ n de se’em teŋgɔŋɔ wa zuo.​—Tooma 15:14.

Naayinɛ boti la to tara nɔyinɛ pu’usa en.

Yehowa pu’usegɔ n ani kasi la, ka yeleseri nɛreba ge la tuɣum basɛ ti nɛreba tara la nɔyinɛ la nɔŋerɛ bɔ’ɔra taaba. (Yon 13:⁠35) Nɛrebani n pa’alɛ nɛreba zɛ’an woo ti ba tara nɔyinɛ pu’usa Naayinɛ zina beere wa? To beem ho ti ho viisɛ baŋɛ gɔnlɛmlɛm wa poan.