To Kumesɛ Tomea Na’am Tuuma La Poan—Ta’an Pa’alɛ To Baabule Zamesegɔdoma Ti Ba Mina Zamesegɔ
La Yele N Pakɛ Se’em: La wan eŋɛ se’em ti Baabule zamesegɔdoma ta’an bi vo’osum poan la, la nari ti ba zamesa ta’an nyɛ bɔkerɛ la mi’ilum gana sɛla ti ba mina fii Naayinɛ Yetɔɣum poan la. (Heb. 5:12–6:1) La dela to ita ania zamesa. La dela to dekɛ sɛla ti to zamesɛ la makɛ la sɛla ti to deŋɛ mina la ge bisɛ la wan soŋɛ to se’em. (Maga. 2:1-6) Zamesegɔ daana la nari ti a mina n wan eŋɛ se’em viisɛ to Baabule gɔnɔ la ta’an bɔkɛ yɛla zo’e zo’e. Ba eŋɛ ania ti ba wan dekɛ ba zamesɛ sɛla tum tuuma la, la wan soŋɛ ba ti ba ta’an sɛ ze’ele gurɛ bisɛ poan wuu Kristadoma.—Luke 6:47, 48.
Dekɛ Tum Tuuma Ŋmarega Wa Poan:
Zuo bii zuo pika woo ba’asegɔ poan, soke ho zamesegɔ daana la ti a tɔɣɛ wana gi’a gi’a pa’alɛ eŋa n zamesɛ sɛla. Ho san ka tara zamesegɔ daana, homea eŋɛ bisɛ ho wan nyaŋɛ tɔɣɛ gi’a gi’a yese hon kaalɛ sɛla fii Baabule la poan bii The Watchtower poan la.