Hon Boti Ho Laɣum Keŋɛ Na’am Mɔɔlegɔdoma Sukuu La?

Hon dela yuun 23 ta paɛ 65 ge tuna tɛm woo sore ŋmɛ’a tuuma la? Ho tari imma’asum ge wan ta’an keŋɛ zɛ’an n eeri soŋerɛ ta soŋɛ? Ho lebesego la san dɛna ɛɛ, hon ti’iseri ti ho wan ta’an keŋɛ Na’am Mɔɔlegɔdoma Sukuu wa? Sukuu la n yuun kɔ’ɔn pɔsɛ ta paɛ zina, mabiisi la ba pɔɣeba, nɛreyɔna n de mabipɔɣesi la buraasi tustusa nyɛ yɔ’ɔ mɛ laɣum keŋɛ sukuu wa. Ge to kɔ’ɔn ɛɛra la nɛreyɔna n de buraasi zo’e zo’e ti ba keŋɛ sukuu wa. Zusɛ Yehowa ti a soŋɛ hɔ ti ho tɔɣesa a Dayɔa la ita sɛla n wan pee a puurɛ. (Ym 40:8; Mt 20:28; Heb 10:7) Bisɛ yelese’a ti la nara ti ho malum bɛɣesɛ homea a poan ta’an keŋɛ sukuu wa.

Sɛba n keŋɛ sukuu wa ti ba kumesɛ ba la, tari la bem yɔ’ɔ? Sɛba n ba’asɛ na’am mɔɔlegɔdoma sukuu la nyɛ yɔ’ɔ mɛ soŋera yetɔɣum ase’a bii bɔna teŋkãra poan dita sɛɛra n boi de to’ore. Basɛba me dela teŋgirega bisegadoma bii teŋgirega bisegadoma soŋereba bii sateŋa na’am yetɔɣum yalegerɛdoma. Ho san ti’isa sɛla ti ho wan ta’an tum Yehowa pu’usegɔ la poan tɛra nɔdɛ’ɛsa Isaiah n yuun yeti: “Mam wana. Tom mam” la.​—Isa 6:8.

BISƐ VIDIYO LA ZUO N DE SATEŊA NA’AM YETƆƔUM YALEGERƐDOMA N MƆƆRI SE’EM NA’AM MƆƆLEGƆ TUUMA LA POAN: GE NYAA LEBESE SOKERE ANA WA

• 

  Ba ni eŋɛ la wani loe sateŋa na’am yetɔɣum yalegerɛdoma?

• 

  Sateŋa na’am yetɔɣum yalegerɛdoma tuni ba tuuma la wani?

• 

  Sateŋa na’am yetɔɣum yalegerɛdoma nyɛti kã’a la wani ba tuuma la poan?