Kpemeseri Ya Taaba Giila

To giila ni kpeŋe mɛ to san naɛ la to mabiisi bɔna. Ge to san bɔta ti to giila kpeŋe paa, la daɣɛ to yeen naɛ la ba bɔna. Baabule la yeti to kpɛmesa taaba giila ge me soŋera taaba ti to sakerɛ kpe’em pa’asɛ. (Arom 1:​11, 12) To wan eŋɛ la wani ta’an ita bala soŋa?

Tɔɣɛ sɛla kpemese nɛreba giila. Makerɛ, ho san bɔ’ɔra lebesego zamesegɔ poan, da ba’ɛ tɔɣera homea puti’irɛ bii ho vom poan yɛla. Tuɣum tɔɣɛ hon zamesɛ sɛla Yehowa, la a nɛreba zɛ’an, la Baabule la poan. Ho san bɔna la mabiisi, tɔɣera yelese’a n wan kpemese ba giila ti ba sakerɛ kpe’em.

Basɛ ti hon ni kɔ’ɛ ho puti’irɛ se’em yɛla poan, la hon iti yelese’a la kpɛmesa giila. Makerɛ, la san kpe’em bo ho ge ti ho kɔ’ɛ ho puti’irɛ ti ho wan kelum tuna tɛm woo Na’am tuuma la, la wan kpemese mabiisi giila. Leyɛ’ɛsa, mabiisi san nyɛ ti ho kɔ’ɔn kena bakwai la poan zamesegɔ saŋa woo, la ka pakɛ la hon bɛ̃’ɛri bii hon tum taregɛ, la wan kpemese ba giila.

Hon basɛ ti ho yetɔɣum, la ho itigɔ kpɛmesa ho mabiisi giila? Hon nyɛti ho mabiisi me n tɔɣeri ge ita yelese’a kpɛmesa ho giila?