Dekɛ Homea Delum Yehowa Ti A Wan Ta’an Faaɛ Hɔ

Kaalɛ Kanlɛ 13:25–14:4 baŋɛ Israeldoma la n yuun ka dekɛ bamea delum Yehowa se’em.

Viisɛ baŋɛ yele la n pɔsɛ se’em. Israeldoma la n yuun yese Egypt yɛ’ɛsa la, beni n sɔi ti la yuun nara ti ba sakɛ ti Yehowa wan ta’an faaɛ ba? (Ym. 78:​12-16, 43-53) Bem n yuun basɛ ti ba ka le dekɛ bamea delum Yehowa? (Tɛɛ. 1:​26-28) Yosua la Kaleb yuun eŋɛ la bem pa’alɛ ti ba dekɛ bamea delum Yehowa?—Kan. 14:​6-9.

Viisɛ baŋɛ yele la nima nima. Israeldoma la yuun nari ti ba eŋɛ la bem ta’an dekɛ bamea delum Yehowa pa’asɛ? (Ym. 9:10; 22:4; 78:11) Beni n sɔi ti la nara ti to na’asa Yehowa ta’an dekɛ tomea delum en?—Kan. 14:11.

Bisɛ hon wan ta’an zamesɛ sɛla ge dekɛ a tum tuuma. Soke homea yeti:

• ‘Bɔnkani poan ti la wan ta’an kpe’em bo mam ti n dekɛ n mea delum Yehowa?’

• ‘Mam wan eŋɛ la wani ta’an tara sakerɛ bɔ’ɔra Yehowa nananawa la beere sa’am?’

• ‘Mɛlesekãtɛ la san pɔsɛ, mam tari sakerɛ ti bem n wan eŋɛ?’—Lu. 21:​25-28.