La Nari Ti Nɛra Di Pɔɣeba Zo’e Zo’e?

Baabule la lebesego

Naayinɛ yuun tabelɛ bo yɔ’ɔ mɛ ti buraa ta’an di pɔɣa gaŋɛ ayima. (Pin’ileŋɔ 4:19; 16:1-4; 29:18-29) Ge daɣɛ Naayinɛ n yuun basɛ ti nɛreba pɔsɛ dita pɔɣeba zo’e zo’e. A yuun bo Adam la pɔka ayina ma’a.

Naayinɛ yuun bo Yezu Krista kpe’eŋo mɛ ti a malum tɔɣɛ di’e ti eŋa boti la nɛreba dita pɔɣa ayima. (Yon 8:28) Se’em ma’a ti nɛreba basɛba yuun soke Yezu pɔɣedire yele la, a yuun yele ba yeti: “Se’emdaana n naam ba pi’ileŋo poan la naam ba la buraa la pɔka ge yeti: ‘Wana wa zuo buraa wan basɛ a sɔ la a ma ge ana tapilapi la a pɔɣa, ti bayi la wan dɛna inganɛ yinɛ.’”​—Matu 19:4, 5.

Naayinɛ vo’osum yuun basɛ ti Yezu podɔla ayima gulesɛ yeti: “Basɛ ya ti buraa woo di a pɔɣa ti pɔka woo me ele a sira.” (1 Korint 7:2) Baabule la le tɔɣɛ yeti: Burasɛka n tari pɔɣa bɔna tansugere la poan ge tara yɔ’ɔ tuna tuuma la nari ti a dɛna “siresɛka n tari pɔɣeyiŋa.”​—1 Timoti 3:2, 12.