Naayinɛ Boti Ti Ho Wa’ana Dɛna A Zɔ

Naayinɛ boti ti ho dɛna la a zɔ. Hon tabelɛ tɛ’ɛsɛ ti ho wa nyaŋɛ dɛna sɔ’ɔlum wa za’a Daana zɔ? Ba yun yi’ire Abraham n zi’ire daamin ha la ti Naayinɛ zɔ. (Yames 2:23) Baabule la pa’alɛ ti, basɛba me yun nyɛ Naayinɛ zɔtɔ nyɛlum la kã’ã zo’e zo’e. Zina beere wa, nɛreba zo’e zo’e n boe teŋgɔŋɔ wa zuo naa me la Naayinɛ dɛna zɔtɔ. Hon mɛ wan ta’an dɛna Naayinɛ zɔ.

Ho san dɛna Naayinɛ zɔ sɔe nɛresaala zɔ. Naayinɛ kan malum basɛ a zɔdoma. (Yooma 18:25) Hon san nyɔɣɛ Naayinɛ zɔto la tare nyɔɔrɔ gana taresum. Buntata san ki, a ligiri ne yirekɛ mɛ, ge sɛba n nyɔɣɛ Naayinɛ zɔto la tare la tuulum lɔkɔ ti nɛra kan nyaŋɛ fã.—Matu 6:19.

Nɛreba basɛba wan bɔta ti ba gu ho ti ho da zamesa Naayinɛ yɛla. Hali ba ta’an dɛna ho deodoma bii ho zɔdoma. (Matu 10:36, 37) Ba san la’ara ho, kɛsera ho bii vũũsa ho, sokɛ ho meŋa bisɛ, ‘Ane ti n bɔta ti n pee a puurɛ—nɛresaala bii Naayinɛ?’ Yeen tɛ’ɛsɛ bisɛ: Nɛra san yeti ho da dita, ho wan kelese en? N kan kelese! Dia n de vom. Ge Naayinɛ wan nyaŋɛ basɛ ti ho vɔna wuusa! Bala zuo, hon la Naayinɛ zɔto nyɔka la poan, da basɛ ti nɛnɛra gu ho.—Yon 17:3.