To Kelese Naayinɛ La Wani?

Naayinɛ doli la Baabule la poan tɔɣera bɔ’ɔra tɔ. 2 Timoti 3:16

Yelemɛŋɛrɛ Naayinɛ n yuun basɛ ti nɛreba gulesɛ a puti’irɛ biŋɛ tuulum gɔŋɔ poan. Gɔŋɔ kɔna wa dela Baabule la. Ku tari la ninmɔ’ɔrɛ yɛla ti Naayinɛ bɔta ti ho mina.

Naayinɛ n mi sɛla n ani soŋa bɔ’ɔra to ge me dɛna Yɛm Za’a Daana. Ho san kɛlesa en ho wan tara yɛm.—Magaha 1:5.

Naayinɛ boti ti nɛra woo n boi teŋgɔŋɔ wa zuo kaala Baabule la. Baabule la boi la yetɔɣum buuri buuri poan.

Hon kelese Naayinɛ yetɔɣum dela hon kaali ge bɔkera Baabule la.

Zɛ’an woo nɛreba keleseri mɛ. Matu 28:19

Yehowa Sɛɛradoma wan ta’an soŋɛ ho ti ho bɔkɛ Baabule la.

Teŋgɔŋɔ wa za’a waabi, bamam n pa’ali nɛreba Naayinɛ yɛla.

Ba pa’alegɔ la dela zaŋa. Ho me ta’an le zamesɛ baŋɛ Naayinɛ, Yehowa Sɛɛradoma Na’am Pu’usegɔ Deo la poan.