Yelese’A N Nari Ti To Mina

SƆSEGA N BOI DE TO’ORE

BETEL TUUMA Na’am mɔɔlegɔdoma sɛba n muse ko’om ge dɛna yuun 35 bii ka paɛ bala ge dɛna teŋa wa nɛreba bɔta Betel tuuma, ta’an maasum keŋɛ Betel sɔsega la Azumadaarɛ wuntɛɛŋa. Ba wan te’ele tiɛ tɔ tɛm la zɛ’an ti ba wan zi’ire sɔsɛ.

NA’AM MƆƆLEGƆDOMA SUKUU Mabiisi n de sore ŋmɛ’adoma, dɛna yuun 23 ta paɛ 65 ge bɔta ti ba yalegɛ na’am tuuma la, ta’an keŋɛ Na’am Mɔɔlegɔdoma Sukuu sɔsega ti ba yeti ba eŋɛ Alaserɛdaarɛ wuntɛɛŋa. Ba wan te’ele tiɛ tɔ tɛm la zɛ’an ti ba wan zi’ire sɔsɛ.

YELESE’A N NARI TI TO MINA

KO’OM MUSEGA Asibidaarɛ bulika, sɛba n yeti ba muse ko’om la dela ba zi’ire nɛŋa kuɣesi la ge ti ko’om musega yetɔɣum la pɔsɛ. Nɛra woo tari a ko’om musega lɔɣɔrɔ na. Yetɔɣum bimbine nɛŋa kuɣesi la dela sɛba n yeti ba muse ko’om la ma’a zi’irego zɛ’an. La san daɣena bala ba wan te’ele mɔɔlɛ ti to baŋɛ ge yele soŋereba la Lasebaarɛ Wele la.

LAƔUM SOŊƐ TUUMA Ho san bɔta ti ho laɣum soŋɛ tuuma laɣesegɔ wa poan, keŋɛ wele dena wa ge ba wan pa’alɛ ho tuunɛ n boi zɛ’an.

LƆƔƆSETO N BƆREGƐ ZƐ’AN Lɔɣɔseto woo ti ya pi’e laɣesegɔ wa poan ya tari keŋɛ Lɔɣɔseto N Bɔregɛ Wele la. Ho sɛla san bɔregɛ, keŋɛ lɔɣɔseto n bɔregɛ wele wa zɛ’an ge bisɛ dekɛ ho lɔkɔ. Ho san nyɛ bia n bɔregɛ, la dela ho tari en keŋɛ bilam. Ge dɔɣereba mina ti la daɣɛ kɔma bisega zɛ’an. Soso tana ho kɔma tara, ti ba bɔna ho zɛ’an.

IMMA’ASUM SOŊERƐ Soso tɛra ti zɛkana wa dela YELEDI’IRE MA’A.

SOŊEREBA Soŋereba la n de sɛba n wan pa’alɛ hɔ sɛla n nari. Soso dɔla ba wan pa’alɛ ho sɛla, yele yele wuu hon wan pakɛ zɛ’an la ho zi’irego zɛ’an ti la da mikera.

SOŊERƐ BƆ’A La wan eŋɛ se’em ti laɣesegɔ wa soŋɛ tɔ ti to vurege du Yehowa la, ba eŋɛ la sanɛ nyaŋɛ maasum ti to ta’an zi’a fai ge kɛlesa yetɔɣum la. Ya wan yese ya suure poan bo la wan soŋɛ ti to yɔ sanɛ la ge soŋɛ teŋgɔŋɔ wa za’a waabi na’am tuuma la. Ba dekɛ daɣesi ze’ele kinkɛlesi ti se’em n tari bo’olum a dekɛ eŋɛ bim. To puurɛ pee bɔ’a woo mɛ. Tigere Zuo Bisegadoma la pu’usɛ ya la ya yɛri yɛri bɔ’a la ti ya tara soŋera Na’am tuuma la.

ZI’IREGO ZƐ’AN Soso tɛra basɛba me yele. Tɛra ti ho wan ta’an deŋɛ kuka bo la sɛba ti hon la bamam laɣum zom loore, ho deodoma bii sɛba ti ho zamesa ba Baabule la ma’a. Soso da dekɛ lɔɣɔrɔ biŋe kuɣese’a n lɛm ho la zuo. Wana wan basɛ ti basɛba baŋɛ ti nɛreba ka zi bim.