ZASEŊƆ 18

Basɛ Ti Kɛlesereba La Baŋɛ Sɛla

1 Korint 9:19-23

YELEKPINE: Soŋɛ ho kɛleseriba la ti ba ti’isɛ baŋɛ ti ba sirum zameseri la ninmɔ’ɔrɛ yele.

Tɛra sɛla ti ho kɛleseriba la puɣum mina. Da kɔ’ɔn le taɣesɛ yelese’a ti ba puɣum wum kurum ge soŋɛ ba ti ba zamesɛ yelepaalɛ ho sɔsega la poan.

Tɔɣɛ yelese’a ti ba puɣum mina la kalam ge ho san pa’ala yelese’a ti ba ka mina, da kabela.
Viisɛ ge ti’isɛ taɣesɛ. Ho ta’an tɔɣɛ yelese’a n eŋɛ ti la ka yue ti nɛreba ta’an bɔkɛ yelekpina la vuurɛ. Ti’isɛ ho yetɔɣum la soŋa soŋa ge bisɛ hon boti ho tɔɣɛ yelese’a la makɛ la ho yetɔɣum la zuo.

Wuu hon viiseri ho yetɔɣum la, soke homea ge ti’isɛ yele ana wa yele soŋa ‘Bem, beni n sɔi, wani ma’a, bɛsa, ani, la wani wani.’ Ho san sɔsera ni soke yele ana wa ge bɔ’ɔra lebesego la homea, la wan eŋɛ se’em ti ho yetɔɣum la kɛ̃’ɛra suure.
Pa’alɛ ho sɔsega la yele n pakɛ se’em. Tɔɣɛ pa’alɛ Gulesegɔ la n wan ta’an soŋɛ ho kɛleseriba la ba vom poan se’em. Sɔsɛ yelese’a wana mɔpi ti ho kɛleseriba la tu’usa, halese’a, la yelese’a n pakɛ ba.