ZASEŊƆ 53
Loe De’eŋo Seto N Wan Basɛ Ti Yehowa Puurɛ Pee
Yehowa dela “pupeelum Naayinɛ.” (1 Timoti 1:11) A boti la to tara pupeelum ge nyɛta nyɛɛma to vom poan. A puurɛ ni pee mɛ se’em ma’a ti to ni nyɛ nɛŋa vo’ose. Zaseŋɔ wa poan, to wan baŋɛ to wan eŋɛ se’em ta’an dekɛ to vo’osego saŋa la eŋɛ sɛla n wan bo to pupeelum ge me basɛ ti Yehowa puurɛ pee.
1. To nari ti to tɛra la bem yele to san lɔɔra de’eŋo?
Hon ni ita la bem ho san vɔ’ɔsa? Basɛba ni bɔta la ba dekɛ ba vo’osego saŋa la bɔna yire ba ma’a—kaala, kɛlesa yuuma, bisa sinii bii ba bɔna Intanɛt poan. Basɛba me ni bɔta la ba keŋɛ ba zɔdoma zɛ’an ti ba—ɛɛra, buna ko’om bii dɛ’ɛna. To yeen bɔta sɛla, to nari ti to bisɛ soŋa ti to loe de’eŋo seko la dela “sɛla n nari bɔ’ɔra Daana la.” (Epesus 5:10) La dela ninmɔ’ɔrɛ ti to bɔkɛ yele ana wa, sɛla n sɔi la de’eŋo zo’e zo’e tari la yelese’a ti Yehowa ka bɔta n de wuu zaberɛ, yalumtuuma bii kolekpatuuma. (Kaalɛ Yooma 11:5.) Bem n wan soŋɛ tɔ ti to loe de’eŋo seko n ani soŋa?
To san loe zɔdoma sɛba n nɔŋɛ Yehowa, ba ta’an soŋɛ tɔ ti to baŋɛ to wan loe de’eŋo seto. Wuu to puɣum deŋɛ zamesɛ sɛla la, “se’em n doli la yɛmdoma wan tara yɛm.” Ge to san naɛ la nɛresɛba n ka nɔŋɛ Naayinɛ, to “wan nyɛ namesegɔ.”—Magaha 13:20.
2. Beni n sɔi ti la yele pakɛ ti to maɣesa to tari tɛm se’em dɛ’ɛna?
To san puɣum loe de’eŋo n ani soŋa, la nari ti to bisɛ tomesi soŋa ge da dɛ’ɛna yuura. San daɣena bala, to kan nyɛ saŋa tuna ninmɔ’ɔrɛ tuuma la. Baabule la yele to yeti to tara to “saŋa la tuna soŋa soŋa.”—Kaalɛ Epesus 5:15, 16.
VIISƐ PA’ASƐ
Zamesɛ baŋɛ hon wan eŋɛ se’em ta’an loe de’eŋo seko n ani soŋa.
3. Zaɣesɛ de’eŋo seto n ka ani soŋa
Beni n sɔi ti la nara ti to bisɛ tomesi soŋa la to loori de’eŋo seto la? Ŋmɛ VIDIYO la ge nyaa sɔsɛ sokere ana wa:
Sore kani poan ti diimi zaberɛ de’eŋo la wɔ̃na la zina beere de’eŋo ase’a?
Vidiyo la poan la, Nsoh zamesɛ la bem doose de’eŋo yɛla poan?
Kaalɛ Arom 12:9 ge nyaa sɔsɛ sokere wa:
Sore kani poan ti kaalegɔ zɛ’an wa wan ta’an soŋɛ hɔ la hon loori de’eŋo seto?
Bem yɛla ti Yehowa yaɛ? Kaalɛ Magaha 6:16, 17 la Galatia 5:19-21. Ho san kaalɛ Baabule gulesegɔ woo ba’asɛ, sɔsɛ sokere wa:
Kaalegɔ zɛ’ɛsi wa tɔɣɛ la bem n kɔ’ɔn bɔna de’eŋo yɛla poan zina beere wa?
Hon wan eŋɛ se’em ta’an doose yɛm sore poan loe de’eŋo
Soke homea yeti:
Ku tari yelese’a ti Yehowa yaɛ?
Ku sa’ani mam saŋa ti n tara tuna ninmɔ’ɔrɛ tuuma la?
Ku basɛ ti mam kɔ’ɔn bɔna mɛ la nɛresɛba n ka nɔŋɛ Yehowa?
La ani soŋa ti ho ni kɔ’ɔn zaaɛ la zɛ’an ti dɛŋa bɔna. Bala n sɔi ti la nara ti to zaɣesɛ de’eŋo seto ti to ti’isa ti la ka ani soŋa bɔ’ɔra tɔ
4. Tara ho saŋa la tuna soŋa soŋa
Ŋmɛ VIDIYO la ge nyaa sɔsɛ sokere wa:
La boi bim ti mabia la ka bisera sɛla n de be’em ge daaŋɔ la dela bem?
Kaalɛ Filipi 1:10 ge nyaa sɔsɛ sokere wa:
Kaalegɔ zɛ’an wa wan ta’an soŋɛ to la wani ti to ta’an loe to wan tara to saŋa se’em dɛ’ɛna?
5. Loe de’eŋo seko n ani soŋa
De’eŋo ase’a ka peeri Yehowa puurɛ ge ase’a boi mɛ ka tara daaŋɔ ti to wan ta’an dɛ’ɛna ti a puurɛ pee. Kaalɛ Pa’ala 8:15 la Filipi 4:8 ge nyaa sɔsɛ sokere wa:
Bem de’eŋo n ani soŋa ti hon bɔta?
Ho wan ta’an dɛ’ɛna ge vɔ’ɔsa la pupeelum
NƐREBA BASƐBA YETI: “Mam san bisa de’eŋo n tari gbiregere tuuma, yalumtuuma la kolekpatuuma, daaŋɔ ka boi bim yele yele wuu n san ka ita ba.”
Hon wan yeti bem?
YELEKPINE
Yehowa boti la to loe de’eŋo seko n wan basɛ ti to tara pupeelum.
Tiisegɔ Sokere
Bem de’eŋo ti Kristakɔma nara ti ba zaɣesɛ?
Beni n sɔi ti la nara ti to bisa tomesi soŋa la to tari saŋa se’em bisa de’eŋo?
Beni n sɔi ti hon bɔta ti ho loe de’eŋo seko n wan basɛ ti Yehowa puurɛ pee?
Ɛ BISƐ
Geele bisɛ la dela ani zugbere yele ti a loe de’eŋo bo ho.
Bisɛ hon wan eŋɛ se’em ta’an kɔ’ɛ ho puti’irɛ soŋa de’eŋo yɛla la vo’osego saŋa poan.
“Hon De’eŋo Tari Nyuurɔ?” (The Watchtower, October 15, 2011)
Kaalɛ baŋɛ sɛla n sɔi ti buraa ayima tee a de’eŋo ti la bɔna zi’irego poan yele la n de “Hali Mam Yuun Ka Le Gãsera Nɛreba” la poan.
“Baabule La Teeri Nɛreba Vom Mɛ” (The Watchtower, February 1, 2010)
Bisɛ pɔka ayima n doose yɛm sore poan zaɣesɛ vidiyodoma n tari kolekpatuuma.