LEBE TA BISƐ
ZASEŊƆ 7
Ŋmibera
Naresum Yele: ‘Ba yuun kɔ’ɔn pa’ala mɛ ge mɔɔla Krista Yezu yelesoma la ge ka gɔ’ɔra.’—Tm. 5:42.
Paul N Yuun Eŋɛ De Se’em
1. Bisɛ VIDIYO la bii kaalɛ Tooma 19:8-10 ge nyaa geele soke ana wa:
La boi bim ti nɛreba basɛba yuun giiseri Paul mɛ ge sodeni poan ti a yuun ŋmibera mɔɔla bɔ’ɔra sɛba n boti yelesum la?
Sugumnɔɔrɛ bulɛ ti Paul yuun ni lebe ta bisɛ sɛba n boti yelesum la ge a yuun eŋɛ bala ta paɛ la wani ma’a?
To Zamesɛ La Bem Paul Zɛ’an?
2. La nari ti to tiregɛ nyɛ nɛŋa ta’an ni lebe ta bisɛ sɛba n boti yelesum la ge pɔsɛ zamesa ba Baabule la.
Tɔɣesa Paul
3. Tiregɛ keŋɛ nɛra la zɛ’an sansɛka n makɛ bo en. Soke homea yeti: ‘Mam wan ta’an nyɛ nɛra wa la wani ma’a? A wan bɔta ti to ni zi’ire la bɛ sɔsɛ?’ Nɛra la saŋa san puɣum ka makɛ bo ho, tiregɛ lebe ta bisɛ en.
4. Soke nɛra la baŋɛ se’em ma’a ti ya wan ta’an le sɔsɛ. Ho san sɔsɛ la nɛra la ba’asɛ, soke baŋɛ se’em ma’a ti ya wan ta’an le sɔsɛ. Tiregɛ seke nɛra la zɛsɛka, la tɛm sebo ti ya loe la.
5. Tara putɛsonɛ. Da ti’isa ti nɛra la san ni ka bɔna yire bii ni ka tara nɛŋa, bala pa’alɛ ti a ka boti yelesum la. (1 Ko. 13:4, 7) Tiregɛ nyɛ nɛra la ge da ba’ɛ sa’ana ho saŋa.—1 Ko. 9:26.