Dekɛ jw.org Tum Tuuma Na’am Mɔɔlegɔ Poan—“Become Jehovah’s Friend”
“Bible Teachings” bɔberɛ la n boi jw.org poan la, tari la kɔma zɛ’an n de “Become Jehovah’s Friend” ti yuuma, vidiyo la yɛla a se’a bɔna bim. Hon tabelɛ dekɛ bɔberɛ wa tum tuuma na’am mɔɔlegɔ poan? Ho san zamesa Baabule la dɔɣera n tari kɔmbibisi, ho kan bɔta ti ho dekɛ pa’alɛ en? Bala wan basɛ ti a bɔta a baŋɛ yɛla zo’e zo’e to Intanɛt Tuuma zɛ’an la.
To mabia n de buraa n daa tɔ̃ti Na’am La Yɛla No. 38 ta seke pɔka ayima dekɛ gɔnpika la bo en ti a kɔ’ɔn pɔsɛ kaala. Pɔka la daa tari la kɔmbibisi n kɔ’ɔn bɔta ti ba baŋɛ sɛla n boi gɔnpika la poan. Mabia la daa sɔsɛ sɛla n boi gɔŋɔ la poan fii wa ge nyaa pa’alɛ en to Intanɛt address la n boi ku poore la. Mabia la me daa le ŋmɛ Caleb vidiyo la a mobal poan bo eŋa la a kɔma la ti ba puurɛ daa pee.
To mabia n de pɔka n yele a tuntuna tadaana n tari kɔma to Intanɛt Tuuma zɛ’an la n tari nyuurɔ se’em bɔ’ɔra deodoma. Ti pɔka la, la a kɔma daa ta bisɛ jw.org poan. Pooren ti a yele to mabia wa ti eŋa kɔma la ni ɛɛra yire dɛ’ɛna ge yuuna la “Preach the Word,” yuunɛ wa boi la “Become Jehovah’s Friend” la poan.
Bisɛ jw.org zɛ’an la yese vidiyo, yuuma, bii yɛla a se’a eŋɛ ho mobal poan. Bala wan basɛ ti ho san bɔna na’am mɔɔlegɔ poan, ho ta’an dekɛ jw.org zɛ’an la tum tuuma. Bisɛ tuulum lɔkɔ wa n wan soŋɛ to se’em ti to tuna bɔ’ɔra to Daana la!—Tm. 20:19.