Hon Wan Yele Sɛla
Tiirɛ Dia Beeŋɔ La
“Ninmɔ’ɔrɛ laɣesegɔ n boi ti to tara beeŋɔ gɔŋɔ wa bɔ’ɔra nɛra woo zina. April 3 poan, nɛreba tustusa n boi teŋgɔŋɔ wa zuo wan taɣesɛ taaba tiɛ Yezu Krista kum tiirɛ dia la ge kelese Baabule yetɔɣum n kɛ̃’ɛri suure zaŋa. Beeŋɔ gɔŋɔ wa pa’alɛ la tɛm la zɛ’an ti ba wan laɣesɛ tomam sɔ’ɔlum wa poan.”
The Watchtower March 1
“April 3 dela dabeserɛ katɛ n wan tiɛ tɔ Yezu Krista kum la yele. Nɛreba zo’e zo’e wan laɣesɛ taaba to gingilega wa poan tiɛ a kum wa yele ge to san bisɛ, basɛba ti’iseri ti Yezu kum la yele ka pakɛ ti to laɣesɛ taaba tiɛ de yele. Hon puti’irɛ dela deni? Hon sakɛ ti Yezu n ki ge isige la tara nyuurɔ bo to? [Gura ti a lebese.] Bisɛ Naayinɛ Yetɔɣum la n niɛ de yele se’em pa’alɛ tɔ. [Kaalɛ 1 Korint 15:22, 26.] Magazine wa tɔɣeri pa’ala la to wan nyɛ nyuurɔ se’em yese Yezu lua bɔna la—n de ti, daarɛ deyima nɛreba ka le kiira yɛ’ɛha.”
Awake! March
“To eeri kaara la nɛra woo yire pa’ala sɛla n boi Awake! paalega wa poan. [Pa’alɛ nɛŋa la.] Nɛra woo tari a lebesegɔ mɛ bɔ’ɔra sokere wa: Naayinɛ boi? Hon ti’isɛ ti ani n mi soŋa soŋa beere sa’am n wan ana se’em—sɛba n tari sakerɛ bɔ’ɔra Naayinɛ la bii sɛba n ka tari sakerɛ la? [Gura ti a lebese.] Bisɛ Naayinɛ n puɣulum sɛla biŋe ti nɛreba zo’e zo’e tara de puti’irɛ beere sa’am se’em. [Kaalɛ Yooma 37:10, 11.] Magazine wa pa’alɛ la yɛla anaasi ti la nari ti ho viisɛ baŋɛ Naayinɛ boi.”