To Pa’alegɔ Lɔɣɔrɔ Daka
1. Ba dekɛ na’am mɔɔlegɔ daana makɛ la nu’o tuuma daana la wani?
1 Nu’o tuuma daana tari la lɔɣɔrɔ zo’e zo’e tuna. A tari lɔɣɔrɔ la zo’e zo’e tuna mɛ daarewoo ge ni yibegɛ bisɛ lɔɣeseko n nari ti a dekɛ tum tuunɛ. Nu’o tuuma daana n kumesɛ tari a lɔɣɔrɔ ti la bɔna la a lɔɣɔrɔ daka poan ti a tara a tuna. Baabule la kpeŋeri Kristabia woo giila ti to tiregɛ na’am tuuma la poan ge ‘ana wuu tuntuna se’em n ka zoti valum la sɛla ti a tuna la.’ (2 Tim. 2:15) Lɔɣekuni n de tuulum lɔkɔ to lɔɣɔrɔ daka la poan? La dela Naayinɛ Yetɔɣum la—lɔɣeseko ti to tara “ɛɛra podɔleba la.” (Matu 28:19, 20) Bala la, la nari ti to tiregɛ ‘dɛna sɛba n wan pa’ala nɛreba yelemɛŋɛrɛ la soŋa.’ Lɔɣɔrɔ zo’e zo’e n boi to pa’alegɔ lɔɣɔrɔ daka la poan ti la nara ti to tara a pa’ala nɛreba yelemɛŋɛrɛ la.—Maga. 22:29.
2. Lɔɣetoni ti to tara pa’ala nɛreba?
2 To Pa’alegɔ Lɔɣɔrɔ La: To san dekɛ Baabule la biŋe kinkɛleŋa, lɔɣetoni ti to le tara tuna? Gɔnseko ti to tara pa’alɛ nɛreba Baabule yelemɛŋɛrɛ la dela What Does the Bible Really Teach? To san dekɛ gɔŋɔ wa zamesɛ nɛra ba’asɛ, to ni tee la “Keep Yourselves in God’s Love” gɔŋɔ la zamesa en ti a ta’an tara naresum yɛla la tum tuuma daarewoo. Bala la, la nari ti to tara gɔntona toyi wa pa’ala soŋa. Gɔnlɛmlɛm a se’a me nari ti si bɔna to pa’alegɔ lɔɣɔrɔ daka la poan. Yelesoma N Ze’ele Naayinɛ Ze’an Na! dela gɔŋɔ ayima ti to tara ita Baabule zamesegɔ. To zɛ’an la nɛreba zo’e zo’e san ka ta’an kaala bii to san mina nɛreba basɛba yetɔɣum ti ba ka tara to gɔnɔ la zo’e bii gɔnɔ la ka boi ba yetɔɣum la poan, to ta’an dekɛ Kɛlesa Naayinɛ bii Kɛlesa Naayinɛ Ge Vɔna Daarewoo sɔsɛ la ba. Gɔnseko me ti to tara pa’ala nɛreba tigere la yɛla dela Bani N Tuni Yehowa Puti’irɛ N Boti Sɛla Zina Wa? Vidiyo se’a me n wan ta’an soŋɛ tɔ ti to nyɛ podɔleba dela Bem Zuo Ti La Nara Ti Ho Zamesɛ Baabule La?, Bem Ti To Ita Na’am Pu’usegɔ Deo Poan? la Does God Have a Name? La nari ti to ta’an tara lɔɣetona pa’ala soŋa soŋa.
3. Pooren, To Na’am Tuuma wan pa’alɛ to la bem?
3 Pooren, To Na’am Tuuma wan pa’alɛ tɔ, to wan dekɛ gɔnseto n boi to pa’alegɔ lɔɣɔrɔ daka la poan tum tuuma se’em. To san tiregɛ tara lɔɣetona pa’ala soŋa, la wan pa’alɛ ti to doli ka’aŋɔ wa n yeti: ‘Bisɛ ho mɛŋa la ho pa’alegɔ la soŋa soŋa. Ita bala wuusa. Se’ere n sɔi la, ho san ita bala ho wan fã ho mɛŋa ge le fã sɛba n kelese ho la basɛ.’—1 Tim. 4:16.