Imitate Their Faith
1. Gɔnkani ti to wan dekɛ eŋɛ Tansugere Zamesegɔ bakwai sɛka n pɔseri October 19 la?
1 Bakwai sɛka n pɔseri October 19, 2015 la, to wan dekɛ la Imitate Their Faith gɔŋɔ la eŋɛ Tansugere Baabule Zamesegɔ. Gɔnkuna wa pa’ali la buraasi la pɔɣesi 14 n tari sakerɛ Baabule la poan. Ba gulesɛ gɔŋɔ wa se’em la wan basɛ ti to tɛra nɛreba wa yele ge me baŋɛ ba yuun tabelɛ tu’usɛ yeledaaŋɔ se’em, Yehowa pu’usegɔ poan. Gɔŋɔ wa le malum pa’ala to wan nyɛ yɛm nɛreba wa poan se’em, ta’an dekɛ a tum tuuma to zi’irego poan.—Heb. 6:12.
2. Pa’alɛ yelese’a n boi Imitate Their Faith gɔŋɔ la poan.
2 Gɔŋɔ La N Ani Se’em: Gɔŋɔ la tari la a time line (sanse’a ti yɛla tabelɛ eŋɛ) la map n wan soŋɛ tɔ ti to baŋɛ nɛreba la n yuun kɛ̃’ɛri zɛ’an. Leyɛ’ɛsa, gɔŋɔ la zuo woo tari la “To Think About . . . ” (Ti’isɛ Bisɛ) n wan soŋɛ tɔ ti to ti’isɛ yele ana wa taɣesɛ ge dekɛ sɛla ti to zamesɛ la tum tuuma. Gɔŋɔ la le tara la fɔɔra ti ba gulɛ a soŋa, pa’ala yɛla zo’e zo’e ge viisɛ sɛla woo soŋa n wan soŋɛ tɔ ti to ti’isa nyɛta nɛreba la.
3. To wan eŋɛ la wani nyɛ nyuurɔ gɔŋɔ wa zamesegɔ poan?
3 Ho Wan Nyɛ Nyuurɔ Se’em: Tigere Zuo Bisegadoma gulesɛ gɔŋɔ la pɔsega poan kpemese to giila ti: “Dekɛ ho puti’irɛ tum tuuma ge dekɛ homea eŋɛ yele la poan. Tiregɛ bisɛ la yuun ani Baabule nɛreba wa se’em ge nyɛ sɛla ti ba yuun nyɛ la. Bisɛ ba yuun eŋɛ se’em ba bɔŋa la poan ge ti’isɛ bisɛ ho me n wan eŋɛ ni se’em la san deni la hon.” Ge ba yeti to dekɛ to puti’irɛ tum tuuma la ka pa’alɛ ti to yeen ti’isa yoo yoo ge to bisɛ gulesegɔ la n yele se’em, tara giile bɔ’ɔra nɛreba la. La dela to nyɛ tɛm ta’an ti’isa yele ana wa taɣesa. (Neh. 8:8) Zamesegɔ la san pɔsera zuo woo pusuka, mina n yeti a eŋɛ zamesegɔ la nari ti a dekɛ kiki 30 ta paɛ 60 tiisɛ sɛla ti ya zamesɛ pooren la. Zamesegɔ bɔberɛ la san ka tara “To Think About . . . ” (Ti’isɛ Bisɛ) mina n iti zamesegɔ la ta’an soke sokere ayina bii buyi ki’ilum zamesegɔ la.
4. Beni n sɔi ti la nari ti to zamesɛ Imitate Their Faith gɔŋɔ la?
4 Teŋgɔŋɔ wa yɛla n ani se’em daarewoo la, ta’an basɛ ti to sakerɛ ana buulegɔ. Gɔŋɔ wa—la yelese’a ti ba kelum gulesa The Watchtower poan la, dela Yehowa bo’olum n wan basɛ ti to sakerɛ kpe’em. (Yam. 1:17) Basɛ ya ti to nyɛ nyuurɔ gɔŋɔ wa poan, kena Tansugere Baabule Zamesegɔ ge laɣum sɔsera gɔŋɔ wa zamesegɔ poan!