Yob Yuun Ka Basɛ A Birikinte Gurebisɛ Poan

Yob kɛ̃ Uz teŋa la se’em ma’a ti Israeldoma la yuun dɛna yamesi Egypt teŋa poan. Yob yuun daɣɛ Israel nɛra ge a yuun dela mina n pu’useri Yehowa yelemɛŋɛrɛ poan. A yuun dela buntata, ti a deo nɛreba zo’e ge me le tara gilema a gingilega la poan. A yuun le dɛna la mina n mi ka’aŋɔ ge ka welesera. Ge me yuun fãara nasedoma la kiibesi basa. Yob yuun sirum dela birikina.

Yob yuun sirum eŋɛ pa’alɛ ti Yehowa yele pakɛ en a vom poan

1:8-11, 22; 2:2-5

• Sitaana yuun mi ti Yob dela birikina. A yuun ka zɛregeri Yob n nani Yehowa se’em la ge a yuun tuɣum zɛregera la Yob n tari putɛse’ere la

• Sitaana yuun yeti Yob n tari lɔɣɔrɔ la zuo ti a pu’usa Yehowa

• La wan eŋɛ se’em ti Yehowa nyɛ lebesego bo Sitaana la, a yuun basɛ ti a gurɛ Yob bisɛ mɛ. Sitaana yuun basɛ ti daaŋɔ zo’e zo’e paɛ Yob mɛ

• Yob n yuun ka basɛ a birikinte la, Sitaana yuun zɛgerɛ asaala woo birikinte mɛ

• Yob yuun ka tum be’em bii zɛregɛ Naayinɛ la fii me