Din’inhe Suunre Gura

Hon guri Naayinɛ Na’am la ta paɛ la wani ma’a? Hon di’iseri suure la wuŋerɛ sɛka n paari ho la? (Arom 8:25) Kristakɔma basɛba tu’useri la yaarɛ, mɛlesegɔ, bɔna sarega hali la kum poan. Zo’e zo’e me kɔ’ɔn ŋmibera mɛ la kurigerɛ bii bã’asi poan.

Bem n wan soŋɛ tɔ ti to ta’an di’ise suure ŋmibe ze’ele gurebisɛ poan? La nari ti to kaala Baabule la daarewoo ge ti’isa taɣesa. To basɛ ti to suure kɔ’ɔn bɔna beere sa’am puti’irɛ la poan. (2Kor 4:16-18; Heb 12:2) La nari ti to fabelɛ bo Yehowa zusega poan ti a bo to a zilam vo’osum la. (Lu 11:10, 13; Heb 5:7) To saazuo Sɔ la wan soŋɛ tɔ ti to ‘ta’an ŋmibera yɛla woo poan ge me tara pupeelum.’​—Kol 1:11.

BISƐ VIDIYO LA SONTI “TO ŊMIBE ZƆTA”​—KƆ’ƆN KƆ’Ɛ PUTI’IRƐ TI HO WAN ZƆ NYƐ YƆƆRƐ LA, GE NYAA BO SOKE ANA WA LEBESEGO:

• 

  Bem yele n wan ta’an paɛ tɔ ge to “ka maahom”? (Pa 9:11, 12)

• 

  Zusega soŋeri to la wani se’em ma’a ti to tu’usa gurebisɛ la?

• 

  To san ka le ta’an tuna zɔ’ɔra Yehowa tuuma poan wuu yia la, beni n sɔi ti la nara ti to kɔ’ɔn basɛ ti to puti’irɛ bɔna sɛla ti to wan ta’an eŋɛ la poan nananawa?

• 

  Bem n soŋeri tɔ ti to tara suure lua ti to wan nyɛ yɔɔrɛ la?