Nyɔɣɛ Sɛba N Nɔŋɛ Yehowa La Zɔtɔ

Beni n sɔi ti la nara ti to nyɔɣɛ sɛba n nɔŋɛ Yehowa la zɔtɔ? To zɔtɔ nyɔka ta’an basɛ ti to eŋɛ sɛla n ani soŋa bii be’em. (Mag. 13:20) Makerɛ n wana, Naba Yoas yuun eŋɛ la ‘sɛla n de ma’an Yehowa nɛŋa’ la eŋa n yuun nyɔɣɛ Yehoiada n de Malema Nɛŋadaana la zɔtɔ la. (2Yel 24:2) Yehoiada kum pooren la, Yoas yuun pisegɛ Yehowa basɛ mɛ se’ere n sɔi la, a yuun doli la zɔtɔ be’ero.—2Yel 24:17-19.

Yuun kɔbesɛka n deŋɛ nɛŋa la K.P., tuntuna Paul dekɛ Kristakɔma tansugere la makɛ la “yikantɛ” ti nɛreba la n boi tansugere la poan me dɛna “laahe,” bii duɣɔrɔ n boi yire la poan. To kelum dɛna la “toolom lɔgɔrɔ” to san gu tomea la zɔtɔ se’a n boi tansugere la poan bii ba dela to deodoma ge ka ita sɛla n wan pee Yehowa puurɛ. (2Ti 2:20, 21) Bala la, basɛ ya ti to nyɔɣɛ zɔtɔ la sɛba n nɔŋɛ Yehowa ge me wan ta’an kpemese to giila ti to pu’usa en.

BISƐ ZAƔESƐ ZƆTƆ BE’ERO VIDIYO LA GE NYAA LEBESE SOKERE ANA WA:

• Sarɔtɔ aŋa bɛɛ ti to wan ta’an nyɔɣɛ zɔtɔ be’ero ge kan baŋɛ?

• Itipa’alegɔ vidiyo la poan, bem n soŋɛ Kristakɔma batã la ti ba yese bamea zɔtɔ be’ero poan?

• Bem Baabule naresum yɛla n wan ta’an soŋɛ hɔ ti ho bisɛ ho zɔtɔ nyɔka soŋa soŋa?