To Wan Ta’an Zamesɛ La Bem Tigere La Yuuma Ase’a La Poan?

Tigere la yuuma ase’a ani ti hon ba’ɛ nɔŋɛ? Beni n sɔi? Hon mi ti to vidiyo la kɔ’ɔn tɔɣera la yelese’a n iti to vom poan? Tigere la yuuma ase’a la vidiyo yuuma daɣɛ la to yeen kɛlesa a ge la pa’ali to la yɛla zo’e zo’e.

Tigere la yuuma ase’a pa’ali to la yɛm ti to wan ta’an dekɛ tum tuuma tomam Kristakɔma vom la na’am tuuma poan. Yuuma la ase’a tɔɣeri la to wan ta’an tɔ’ɔsa saama, tara nɔyinɛ, nyɔɣera zɔtɔ, tara sukpe’ene la to wan tara nɔŋerɛ bii sakerɛ se’em. Yuuma la ase’a me le pa’ala tɔ to wan ta’an lebe Yehowa zɛ’an na se’em, dita sugeri bɔ’ɔra taaba, tara to birikinte la, la to wan eŋɛ se’em ta’an pu’usa Yehowa sarɔtɔ zo’e zo’e poan. Hali tigere la yuuma ase’a pa’ali tɔ to wan tara to fon la tuna tuuma se’em ti la makɛ ma’a. Hon zamesɛ la bem tigere la yuuma ase’a la poan?

BISƐ TIGERE LA YUUMA ASE’A VIDIYO LA ZUO N DE LA DAA KƆ’ƆN PƆ̃RA MƐ GE NYAA LEBESE SOKERE ANA WA:

• Bem beere sa’am kã’a ti nɛra la a pɔɣa la ti’isa de yele?​—Pin 12:3

• To wan eŋɛ la wani ta’an basɛ ti to sakerɛ Yehowa poan kpe’em la eŋa n wan basɛ ti a pu’ulumbiŋa la tum tuuma la?

• Bem pupeelum yele n kɔ’ɔn pɔ̃ra?

• Sore kani poan ti beere sa’am puti’irɛ la soŋera tɔ ti to ŋmibera gurebisɛ poan?​—Arom 8:25